Home > Comunicaos > La CI y SUATEA súmense a la llucha de los pueblos ecuatorianos contra’l neolliberalismu.

La CI y SUATEA súmense a la llucha de los pueblos ecuatorianos contra’l neolliberalismu.

La Confederación Intersindical denuncia’l “paquetazu” decretáu pol ultraliberal gobiernu ecuatorianu de Lenín Moreno, que constitúi un conxuntu de midíes que busquen un mayor arriquecimientu de les grandes empreses nacionales y transnacionales a costa del aprobetayamientu xeneralizáu del pueblu ecuatorianu; y, sobremanera, pretende dar un golpe letal a l’autonomía y capacidá d’autoorganización del pueblu indíxena, verdaderu herederu de los bienes y recursos naturales allugaos nos territorios amazónicos, que’l so llambión valor en términos estractivistes de minería, de petróleu, de hidroenerxía, etcétera, ye l’oxetivu verdaderu d’estes actuaciones.

El pueblu ecuatorianu, y n’especial los pueblos indíxenes de la Amazonía ecuatoriana, tán siendo sometíos por Lenín a estes midíes de lliberalización pa dar gustu al mandatu (“encamientos”) del FMI n’ares de consiguir un mayor tresvase de rentes en favor de los poderosos por aciu la privatización de servicios públicos esenciales o l’encarecimientu y eliminación de subsidios previos a la “concesión” de la esplotación d’estos por manes privaes; y otres midíes empobinaes a esti tresvase de capitales de les clases populares a les poderoses.

Acusamos dende la Confederación Intersindical que les midíes dictaes a les ordes del FMI tamién suponen un gran ataque a la estabilidá de la vida na Tierra, al asaltar directamente una de les principales y más importantes mases pulmonares y de biodiversidá esistentes, defendiendo la sobresplotación contaminante de los sos recursos y contribuyendo, entá  más, a la crisis planetaria y climática.

Dende la Confederación Intersindical sofitamos la rebelión popular contra estes midíes ya imputamos al gobiernu ecuatorianu de tratar d’acallantalo por aciu l’abusu de la fuerza emplegada n’aplicación del decretu d’estáu d’esceición. Culpamos tamién dende la Confederación Intersindical al gobiernu de Lenín de bilorderu, al acusar a la movilización popular de golpista, para tratar de xustificar asina l’inxustu estáu d’esceición decretáu.

Denunciamos la sistemática violación de los derechos humanos que, n’aplicación d’esti estáu d’esceición, vienen informándonos la xente movilizao y periodistes independientes na zona. Y esiximos al gobiernu español que condergue esta violación de los derechos humanos per parte del executivu ecuatorianu.

Sofitamos les convocatories de solidaridá y de sofitu al pueblu ecuatorianu y faemos un llamamientu a la participación.

Secretariáu de SUATEA y de la Confederación Intersindical
10 d’ochobre de 2019

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344