Información conceyu cola Alministración el 12 de febreru

INFORMACIÓN DEL CONCEYU DE LA XUNTA DE PERSONAL COLA ALMINISTRACIÓN

12 FEBRERU DE 2019

Na mañana d’ayeri celebróse una xunta cola Alministración na que se nos informó de distintes cuestiones:

– Plantiyes. Ciérrase la negociación de plantiyes ensin meyores, con una total de 9238 places de plantiya orgánica. L’Alministración solo tuvo en cuenta una del centenar d’aalegaciones presentaes polos sindicatos. Nun s’incorporó pal cursu que vien la medría de plantiya (418 places más) por aplicación del amenorgamientu a 18 hores del profesoráu de Secundaria, FP, etc.

– L’Alministración va entamar una campaña pola dignificación del oficiu docente y que va empezar el próximu 4 de marzu.

–  Va publicar en pocos díes el Resolvimientu de Llicencies por estudios y va salir nos mesmos términos qu’en convocatories anteriores, con 77 places (41 pa proyectos y 37 pa estudios d’Idiomes), toes elles ensin paga. Un añu más, el profesoráu asturianu queda ensin llicencies pagues.

– Concursu  tresllaos.  Aproximao, la fecha de Resolvimientu provisional va ser a mediaos de marzu.

– El 1 de marzu constituyiráse’l grupu de trabayu sobro xeres burocrátiques del profesoráu y va tar formáu polos sindicatos firmantes del Alcuerdu de 26 de payares de 2018.

– Amás, presentóse un borrador de convocatoria d’oposiciones, al que SUATEA presentó munches propuestes de meyora (ver en comunicación aparte). La fecha probable de publicación en BOPA va ser el 16 de febreru.