Home > Comunicaos > Homologación salarial, una asignatura pendiente

Homologación salarial, una asignatura pendiente

La homologación salarial del profesoráu sigue siendo una asignatura pendiente

El discutiniu sobre los presupuestos asturianos pal añu 2020 volvió poner enriba  la mesa la situación del profesoráu asturianu, que, nesti momentu, ocupa los últimos pasos salariales en comparanza con otres Comunidaes Autónomes (ver imaxe embaxo)

Les retribuciones salariales del profesoráu asturianu xeneraron discutiniu dende hai yá demasiaos años. Dende l’añu 2007, SUATEA vien aportunando en que l’Alministración asturiana tendría de crear un complementu autonómicu, como yá que se fizo n’otros territorios conforme diben algamando les competencies autonómiques n’Educación. Sicasí, la nuesa Alministración empeñóse en desarrollar una Carrera Profesional, que foi echada embaxo polos Tribunales y, darréu, desarrolló un modelu paralelu a ésta conocíu como Llei d’Evaluación Docente, inesistente n’otros llugares del Estáu.

Llámanos l’atención que sindicatos como ANPE y UGT optaren por sofitar esta vía, que condiciona les retribuciones del profesoráu a un modelu neolliberal d’evaluación de la función docente que, en dengún casu, supón una meyora oxetiva del llabor docente nin de la calidá del sistema educativu.

Desque s’algamaron les competencies educatives, nel añu 2000, dende SUATEA venimos reclamando un complementu salarial pal profesoráu asturianu, tal como s’axustó n’otres autonomíes. Estos sindicatos, cuando optaron pela vía evaluadora nel añu 2007, dexaron muerta la vía del complementu autonómicu. Dolce años dempués atopámonos con qu’estos mesmos sindicatos aportunen na vía de la evaluación, solicitando un nuevu plan, escaeciendo la discriminación esistente al respective de les retribuciones n’otres comunidaes. Paez, en tou casu, que l’Alministración manifestóse yá en contra alegando que nun hai fondos económicos.

Dende SUATEA consideramos como prioridá algamar la homologación salarial del profesoráu asturiano col restu de comunidaes, per aciu la creación d’un complementu autonómicu qu’implique una xuba salarial llinial pa tol profesoráu. Esto rique la creación d’una partida presupuestaria específica,nos presupuestos del añu 2020, cola dotación correspondiente.                                                                                          Uviéu 4 d’avientu 2019

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344