Acabar colos recortes pa meyorar la docencia y l’atención al alumnáu.

Esta entrada está disponible en: Castellano (Castellanu)

La Confederación de STEs-intersindical considera necesario acabar colos retayos pa la meyora de la docencia y l’atención al alumnáu.

Na Comisión Permanente del Conseyu Escolar del Estáu del día de güei va emitise l’informe del Anteproyectu de Llei de meyora de les condiciones pal desempeñu de la docencia y l’enseñanza nel ámbitu non universitariu, STES-Intersindical considera:

1. El retrocesu del nuesu sistema educativu y sobremanera nel tema la equidá, como acrediten los diversos estudios al respective, l’últimu Panorama Educativu, debería obligar al gobiernu a tramitar estes midíes por trámite d’urxencia y empezar a aplicase yá nel actual cursu escolar 2018-19 pa echar atrás los retayos qu’impunxo l’anterior gobiernu col RD 14/2012 (medría del númberu d’alumnáu per aula y del horariu lectivu del profesoráu y nun sustituyir al profesoráu hasta pasaos 10 díes).

2. STES-Intersindical cree necesario volver al númberu máximu d’alumnáu por aula, al horariu llectivu del profesoráu (reclamamos tolo más 18 periodos lectivos en Secundaria y 23 n’Educación Infantil, Primaria) y la sustitución automática, en tolos casos del profesoráu. Estos criterios tendríen de ser básicos ya imprescindibles p’atender como tien que ser al nuesu alumnáu y evitar l’aforfugu y l’estrés actual del personal docente.

El dictame definitivu va aprobase nel Plenu del Conseyu Escolar del Estáu’l 2 d’ochobre.

Madrid, 18 de setiembre de 2018.

Print Friendly, PDF & Email

Esta entrada está disponible en: Castellano (Castellanu)