Home > Profesoráu > Condiciones llaborales > Estra 2012: Tomadura de pelo al personal funcionariu d’ Asturies.

Estra 2012: Tomadura de pelo al personal funcionariu d’ Asturies.

Na nómina del mes de Mayu, y gracies a la firmeza de les sentencies alcanzaes ente otros polos servicios xurídicos de SUATEA,  el profesoráu interín cobró la parte proporcional de la paga estra de 2012.

Recordamos qu’amás, una funcionaria de carrera afiliada a SUATEA  y  otra decena de persones cobraron  la parte proporcional nesta mesma nómina por ganar sentencies que yá son firmes.

Pos bien: na Mesa Xeneral de Negociación aceptóse la pretensión de l’Alministración de derivar a 2015 el pagu de diches cantidaes al restu del profesoráu y funcionariáu asturianu.

Esto supón una tomadura de pelo pal profesoráu definitivu asturianu que ve cómo “gracies” a los sindicatos firmantes, nun va cobrar lo que se-y debe en tol añu 2014.

SUATEA esixe una inmediata rectificación a l’alministración según el pagu na próxima nómina de les cantidaes reteníes indebidamente- como se ta faciendo en delles CCAA.

Esta entrada tamién se puede consultar en: Castellanu