Home > Aición sindical > Esixencia de pagu de la extra d’avientu de 2012

Esixencia de pagu de la extra d’avientu de 2012

SUATEA esige al gobiernu asturianu del pagu de la extra d’avientu de 2012

Ante los múltiples comentarios que tán surdiendo respectu a la tema del pagu de la parte proporcional de la paga extra d’avientu de 2012 queremos esclariar lo siguiente:
• SUATEA tien ganaes sentencies individuales firmes que dan derechu a percibir la parte proporcional correspondiente al periodu que va dende’l 1 de Xunu al 14 de Xunetu.
• Cuidao que ye una tema sobradamente xulgáu esiximos una vegada más al Gobiernu Asturianu que dea en pagar d’oficiu a tolos funcionarios un dineru respecto al cual los tribunales se manifestaron yá en numberoses sentencies y que foi usurpáu de forma illegal.
• En casu de nun ser asina veremosnos obligaos a colapsar una vegada más l’Alministración con reclamaciones alministratives individuales y de prosiguir nesti absurdu presentar miles de demandes d’estensión d’efectos nos Xulgaos yá bastante enchíos de por si.
SUATEA pide a l’Alministración un pocu de cordura y que dea en pagar d’oficiu tal como fixeron otres comunidaes autónomes como Extremadura o Canarias.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344