Home > Aición sindical > Escueye tamién Sanidá Pública

Escueye tamién Sanidá Pública

 Como sindicatu defensor de la Enseñanza Pública en particular y del sector públicu polo xeneral, pensamos que la meyor manera de reivindicar la defensa de lo Público ye siendo coherentes cola nuesa condición de trabayadores públicos/es, defendiéndola tamién como usuarios/es.

L’oxetivu d’esta campaña ye animar al personal que perteneciendo a MUFACE escoyera la opción de recibir l’asistencia sanitaria d’una entidá privada, se pase al Serviciu Asturianu de Salú (SESPA) al traviés del MUFACE.

PLAZU ABIERTU MIENTRES EL MES DE XINERU

 Creemos que sobren los motivos, entá  más nun contestu d’emerxencia sanitaria como’l que tamos viviendo, onde vemos a la Sanidá Pública enfrentar la crisis magar los retayos sufiertos, mientres la privada llava les manes.

Los convenios con entidaes privaes (Igualatorio, Asisa, Adeslas…) suponen la tresferencia de miles de millones d’euros añalmente a estes empreses, dineru que dexa d’ingresar la sanidá pública. Pela contra, cuantes más persones escoyamos l’asistencia sanitaria na seguridá social, más fondos van tener que dedicase a ella y menos a les empreses privaes, que reciben en función del númberu d’usuarios/es.

Cuando se fala d’atención sanitaria con compañeros/es siempres se suel llegar a la mesma conclusión: si unu/a tien una dolencia grave, la Sanidá Pública ye la que te garantiza la meyor atención y los recursos necesarios en cualquier circunstancia. Atiende a tol mundu, en tol territoriu, y les sos decisiones básense puramente en criterios médicos y non en cuestiones de rentabilidá económica, como asocede nes empreses d’asistencia privaes.

El Secretariáu de SUATEA.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4348

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4348