Home > Otramiente > Escueles infantiles 0-3 años, na Rede Pública

Escueles infantiles 0-3 años, na Rede Pública

Escueles Infantiles 0-3 añosLa Rede d’Escueles Infantiles de 0 a 3 años cuenta anguaño con un total de 65 centros en 38 conceyos d’Asturies, con más de 3.300 matrícules y 500 profesionales trabayando nella.

Dende l’añu 2003, fecha d’inauguración en Xixón de la primer escuela d’estes característiques, esta rede foi medrando nos conceyos, mandándose pa ello de convenios de collaboración col Principáu d’Asturies.

El prestixu, la calidá, la so contribución a la conciliación de la vida familiar y llaboral y el so calter educativu son elementos claves que faen qu’esta rede se caltenga, aumente y tenga una gran aceptación y demanda ente les families y ente la población.

Les families usuaries y la población, en xeneral, queremos qu’esti serviciu se consolide, se meyore y se garantice la so prestación dende’l sistema públicu, debiendo reconocese’l so calter educativu y de baldre. Por ello, REIVINDICAMOS:

  • Les Escueles Infantiles de 0 a 3 años tienen que tar integraes xunto con tol so personal nel sistema educativu públicu, como’l primer ciclu de la etapa d’educación infantil, tal y como establez la Llei Orgánica d’Educación.
  • Esta etapa tien que ser reconocida como educativa, pública y de baldre y desenrollase, pasu ente pasu, al mesmu nivel qu’anguaño tien la etapa de 3 a 6 años.
  • L’actual Rede d’Escueles Infantiles tien que s’integrar na Conseyería d’Educación del Principáu d’Asturies, como etapa educativa y coo garantía del so calter públicu y de baldre.
  • Tienen qu’establecese ratios afayadizos ente’l númberu de neños y neñes y d’educadores, teniendo que s’algamar l’oxetivu “pareya educativa” en cada unidá.

EN DEFENSA DE LOS SERVICIOS PÚBLICOS Y DE LA EDUCACIÓN PÚBLICA Y DE BALDRE PA TOOS Y TOES

ESIXIMOS LA INTEGRACIÓN NA CONSEYERÍA D’EDUCACIÓN – NON AL CONSORCIU-

Descargar manifiestu de recoyida de firmes.

Descargar cartel convocatoria de la concentración del día 9 d’avientu del 2014

Esta entrada tamién se puede consultar en: Castellanu