Ensin Asturianu n’E. Infantil y tres cursos de Primaria nel CP Aniceto Sela

Esta entrada está disponible en: Castellano (Castellanu)

Nel colexu públicu Aniceto Sela de Mieres, 42 alumnos/es de un total 43 de la etapa d’Educación Infantil distribuyíos en 3 grupos demandaron recibir enseñances de Llingua Asturiana. La escuela lleva impartiendo estes enseñances na Educación Infantil dende hai una montonera años. Lo mesmo asocede col alumnáu d’Educación Primaria qu’escoyó mayoritariamente esta asignatura.

Esti cursu debío al andanciu la covid-19 y la necesidá de mermar el númberu d’alumnáu per aula creáronse en Primaria tres grupos nuevos, sumando en total 11 grupos de Primaria p’asistir a clases d’Asturianu. P’atender tola demanda del aria nel centru ye necesario un maestru/a especialista  a xornada completa. Magar que la dirección del centru demandó esta necesidá a la Conseyería d’Educación enantes d’entamar esti cursu , solo se dotó con una plaza interina a media xornada. Como consecuencia lleven ensin recibir clases d’Asturianu dende primeros de cursu, tola etapa d’Educación Infantil y un quintu y dos sestos cursos de Primaria.

Esta situación estrambótica vien calteniéndose provisionalmente, énte la negativa de la Conseyería a solucionala y a la espera de que s’amplíe la xornada llaboral de la persona interina a xornada completa, como tamos demandando la dirección del centru , l’asociación de padres y madres del centru y dende’l sindicatu SUATEA.

El Secretariáu de SUATEA

N’Uviéu a 17 payares de 2020

Print Friendly, PDF & Email

Esta entrada está disponible en: Castellano (Castellanu)