Home > Aición sindical > Pola escuela pública, SUATEA contra’l pieslle del CP Virgen de las Mareas

Pola escuela pública, SUATEA contra’l pieslle del CP Virgen de las Mareas

Nestes últimes selmanes caberes fueron delles les noticies de prensa onde se recueye’l pieslle del colexu públicu avilesín Virgen de las Mareas, en cuantes que les dependencies que’l mesmu ocupa a día de güei  pasaríen a ser ocupaes pol CIFP del Deporte. Énte estes noticies, la conseyería d’educación dió la callada por rempuesta.

Tal pieslla diba suponer un fechu inauditu, pos dexaría ensin centru públicu a una de les zones d’escolarización d’Avilés, el tercer conceyu d’Asturies por cantidá de población, zona a éstes que caltendría non ún nin dos centros concertaos, sinón nin más nin menos que trés.

Dende’l sindicatu nun podemos quedanos de brazos cruciaos énte esti ataque a la escuela pública, a la escuela de toos y de toes. ¿Somos quien imaxinanos un barriu ensin equipamientos tan esenciales como un centru de salú? La respuesta rescampla, non. Pos si extrapolamos la situación al planu educativu, tampoco somos quien imaxinanos a un barriu ensin un equipamientu tan esencial como un colexu, quitando nesti casu a 31 discentes y les sos respectives families al so drechu d’accesu a una educación pública.

Nun tamos falando d’un colexu que vaiga n’amenorgamientu pol númberu d’alumnos y alumnes pal viniente cursu, nun ye un centru con unes instalaciones en deterioru, ye un centru con futuru, y que por tantu debe de caltenese, como se caltuvo hasta día de güei.

Poro, SUATEA esixe’l caltenimientu del CP Virxe de les Marea, ensin suponer de nenguna manera prexuiciu dalgunu pa la viabilidá del CIFP del Deporte, asina que ye misión de la conseyería atopar espacios alternativos, ensin dir en contra la escuela pública nin de nengún centru que la conforma.

 

Uviéu a 28 xineru 2019

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344