Para noticias covid

El sistema urxente de sustituciones llega tarde y queda curtiu

Esta entrada está disponible en: Castellano (Castellanu)

Acaba d’aprobase esta mañana en Mesa Sectorial d’Educación la Resolución pola que s’autoriza con calter escepcional y estraordinariu la tramitación d’un procedimientu d’urxencia pa la sustitución inmediata de baxes llaborales pa les que la so cobertoria resulte urxente y inaplazable nel marcu de la situación xenerada pola variante Ómicron del COVID-19” col sofitu de toles centrales sindicales incluyida SUATEA.

Dende SUATEA llevamos denunciando, yá dende últimos del cursu pasáu, el gran error que cometió esta Conseyería al nun siguir calteniendo les midíes sanitaries y de refuerzu de les plantiyes tomaes el cursu pasáu. Por cuenta de ello y  cola esplosión d’andaes producíes pola actual sesta fola de covid-19, los centros educativos  ven como nun pueden ufiertar la educación cola calidá deseyada al aumentar significativamente el númberu de baxes del profesoráu.

Denunciada tamién pol nuesu sindicatu esta previsible nueva situación y magar que la Conseyería d’Educación anunciaba nos medios que s’empecipiaba la vuelta de les vacaciones ivernices con “normalidá”, nun tuvo otru remediu qu’aceptar la realidá y convocar la Mesa de negociación pa solucionar el gran  problema xeneráu pol espardimientu esplosivu de la pandemia y el so gran efectu nel aumentu de baxes del profesoráu.

Llega esta resoución tarde y amás les midíes que propón son curties. Solo val pa desaniciar en parte la grave situación de los centros y el cansanciu del profesoráu. Cola nueva resolución van convivir el sistema de convocatoria de sustituciones ordinariu de tolos martes (que retrasa la so cobertoria más d’una selmana), col d’urxencia que se va efectuar los llunes, xueves y vienres per vía telefónica (con incorporación al puestu de trabayu a otru día). Esti nuevu sistema d’urxencia va empezar a aplicase, previsiblemente, el xueves d’esta selmana.

El sistema d’urxencia queda curtiu, porque solo entama a furrular cuando se superen delles cifres d’ausencia determinaes pola proporción d’ausencies respecto del total de la plantiya del centru. Les cifres aprobaes pa poder sustituyir toles places con urxencia fueron les siguientes:

Centros con un claustru inferior o igual a 9 docentes, con más de 2 places ensin cubrir.

Centros con un claustru ente 10 y 25 docentes, con más de 3 places ensin cubrir.

Centros con un claustru ente 26 y 50 docentes, con más de 4 places ensin cubrir.

Centros con un claustru ente 51 y 75 docentes, con más de 5 places ensin cubrir.

Centros con un claustru con 76 docentes o más, con más de 7 places ensin cubrir.

Dende SUATEA propúnxose habilitar el sistema d’urxencia diseñáu na resolución en tolos casos (abandonando temporalmente l’ordinariu) pero esaniciando les cifres mínimes pa tener accesu inmediatu a la urxencia y tramitar toles sustituciones rápido, pero nun s’aceptó.  Si l’oxetivu de la Conseyería d’Educación ye tramitar con urxencia, nun plazu de 24 – 48 hores, les sustituciones de profesoráu de forma estraordinaria mientres siquier un mes, nun hai motivu pa caltener el sistema ordinariu de llamamientu recoyíu nel Alcuerdu d’Interinidá, porque retrasa la cobertoria de los puestos una selmana en toos aquellos centros que nun algamen les cifres d’ausencies propuestes.

Magar nun ser aceptada la nuesa propuesta, en SUATEA votamos  a favor de la resolución por aceptase na negociación pequenes meyores  nes cifres y el procedimientu, y porque atiende mínimamente a les necesidaes d’urxencia tan necesaries nesti momentu.

N’Uviéu a 17 de xineru de 2022

Print Friendly, PDF & Email

Esta entrada está disponible en: Castellano (Castellanu)

Comunicáu: Ministeriu y Conseyería d’educación ponen en xuegu la salú de la comunidá educativa.

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757