Home > Profesoráu > El profesoráu técnico de FP con esperiencia ta a la espectativa del so futuru

El profesoráu técnico de FP con esperiencia ta a la espectativa del so futuru

Llegó la LOMLOE al Senáu y con ella consiguimos tar un pasu más cerca de la equiparación ente’l Profesoráu Técnicu de Formación Profesional (PTFP) y el Profesoráu d’Enseñanza Secundaria (PES) y asina siguir hacia’l cuerpu únicu docente. Dende SUATEA y los STEs trabayemos argumentando y sensibilizando a los axentes sociales y políticos pa facer posible esti cambéu. Esta llei ye frutu d’esti trabayu; poro quedemos con un sabor ente agriu y dulce al comprobar l’articuláu referente al profesoráu de Formación Profesional.

Con esta nueva llei, créase una incertidume al nun dexar claro l’accesu a la función docente al profesoráu con titulación de Técnicu Especialista o Técnicu Superior. Si nun tienen titulación equivalente de Grau, quien quiera aportar a la docencia namás va poder facelo na condición de Profesoráu Especialista (contratu llaboral por hores…), polo que mos atopamos con una precarización del empléu,que supón un retrocesu nes condiciones llaborales d’esti profesoráu.

Por ello, SUATEA y los STEs, realicemos asamblees pa conocer les impresiones de les nueses bases, trabayu de documentación y tuvimos distintes xuntes con grupos parlamentarios que se concretaron, en forma d’enmiendes del articuláu, a favor de caltener a esti profesoráu con titulación de Técnicu Especialista o Técnicu Superior, con idénticos derechos que’l restu del cuerpu de PTFP p’aportar al cuerpu de PES, porque los sos requisitos d’accesu a la función pública, les sos pruebes d’oposiciones y el so trabayu son iguales a les del restu del profesoráu y asina consten nel RD 276/2007 del 23 de febreru.

La equiparación prevista pola nuevu llei tresformóse nuna fienda ente docentes, cuando lo que se buscaba yera erradicar una situación inxusta y, al nuesu entender alegal. La esencia mesma de la FP ye xustamente esa simbiosis ente teoría y práctica qu’enxamás va poder deslligase.

Llegaos a esti puntu, los STEs vamos siguir trabayando na meyora de les condiciones llaborales de los docentes per aciu de:

•      Solicitando a la Secretaría Xeneral de FP la inclusión de STEs nos grupos de trabayu pa la redaición de la nueva Llei de FP que sustitúi a la Llei Orgánica 5/2002, de 19 de xunu, de les Cualificaciones y de la Formación Profesional y, de los Reales Decretos que desenvuelvan la LOMLOE no que cinca a procedimientos d’Accesu a la Función Pública Docente, Adscripción del PTFP al cuerpu de PES, etc.

•      Convocando asamblees coles bases pa informar de la situación y evolución de les negociaciones.

•      Trabayando internamente na ellaboración de documentos qu’ameyoren l’articuláu.

•      Axuntándonos colos distintos grupos parlamentarios.

•      Analizando y entamando posibles aiciones en favor del profesoráu.

Dende SUATEA y los STEs vamos siguir lluchando pa que toos y toes les docentes qu’anguaño s’atopen nel Cuerpu de Profesores Técnicos de Formación Profesional sían adscritos directamente al cuerpu de Profesores d’Enseñanza Secundaria, independientemente de la so situación alministrativa. A igual trabayu, iguales condiciones.

Madrid, 23 d’avientu de 2020

Secretariáu de STEs-i

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4348

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4348