Home > Aición sindical > El PP impón en solitario la Llei Orgánica de Seguridá Ciudadana

El PP impón en solitario la Llei Orgánica de Seguridá Ciudadana

El Pp lo apuesta todo al miedo. Mordaza. DiagonalEl PP impón en solitario la Llei Orgánica de Seguridá Ciudadana

NON A LA “LLEI MORDAZA” 

NON A LA VUELTA A LLEIS DE LA DICTADURA 

– pretenden silenciar la protesta social frente a los recortes y la corrupción –

El Congresu de los Diputaos aprebó’l xueves 11 pasáu la Llei Orgánica de Seguridá Ciudadana, colos únicos votos a favor del PP. Ye un nuevu güelpe más col mayu parlamentariu diseñáu a medida col envís d’achatar les protestes sociales y sindicales, los movimientos ciudadanos, les marees en defensa de los servicios públicos y toles espresiones de protesta frente a les polítiques involucionistes y de recortes sociales y llaborales que tamos sofriendo.

Esta Llei forma parte d’un procesu d’involución que tamos viviendo col Gobiernu d’anguaño, cola vuelta a un Estáu autoritariu envueltu en democracia. Nun cae embaxo que se conoza col alcuñu de “Llei Mordaza”. Ye una llexislación inspirada na Llei d’Orde Públicu de 1959 impuesta pola dictadura franquista, ataca directamente a les llibertaes, a los derechos de reunión y de manifestación. Pon en manes del Ministeriu d’Interior lo qu’hasta agora yera competencia de la Xusticia. Quieren con ello blincar sobre les derrotes xudiciales que lleven acollechando les “autoridaes polítiques” por cuenta de les denuncies inxustificaes por “desórdenes” o “desacatos” contra manifestantes o movimientos sociales y sindicales.

Ye una Llei fecha a medida p’atacar y reprimir l’actividá de los movimientos ciudadanos, sociales y sindicales que, con dignidá, lluchamos y reclamamos trabayu, vivienda, defendemos los servicios públicos (educación, sanidá, tresporte…), manifestámosmos contra la corrupción y la impunidá. Frente a ello, faen esta Llei que reprime con dureza estes protestes pola vía de la fuercia o de fuertes multes:

Consideren mui grave, con multes de 30.000 a 600.000 €, ente otres les siguientes:

  • Celebrar manifestaciones alrededor del Congresu, del Senáu o los Parlamentos.
  • Realizar manifestaciones o concentraciones non comunicaes n’infraestructures básiques o alrededor d’empreses que sirven servicios públicos.

Consideren grave, con multes de 601 a 30.000 €, ente otres les siguientes:

  •  Impedir un desahuciu.
  • Grabar actuaciones policiales y difundiles.
  • Negase a disolver una manifestación cuando lo requiera l’autoridá
  • Desobedecer a un axente policial o negase a enseñar el Documentu d’Identidá.
  • Interrumpir con protestes actos o espectáculos públicos.

Consideren leve, con multes de 100 a 600 €, ente otres les siguientes:

  • Ocupaciones o acampaes na vía pública.
  • Colocar pancartes, pegatines o facer pintaes n’edificios públicos.
  • Insultar a cuerpos policiales.
  • Llevar caretes o pancartes que denigren la imaxe de les autoridaes.

Esta Llei qu’afecta incluso a la Llei d’Estranxería, llegalizando les “devoluciones en caliente” que priven a los migrantes del derechu al asilo y elimina les sos garantíes reconocíes pola llexislación internacional. Ye un pasu más, xunto cola reforma del Códigu Penal y la Llei de Seguridá Privao, nos recortes de les llibertaes y na supresión de garantíes contemplaes nel derechu penal. La Confederación Intersindical, de la que firma parte SUATEA, refuga esta reacción de los poderosos ante’l conflictu social que medra provocáu polos recortes y les polítiques antisociales del Gobiernu, dientro d’un ambiente nel que la ciudadanía ta farta de corrupción y impunidá.

Consideramos que fialo too a qu’otru partíu balte esta Llei ye confiar muncho en qu’otros nos saquen les castañes del fueu. Por ello, consideramos que debería conformase un ampliu refugu organizáu en tolos movimientos, organizaciones sociales y sindicales que nos oponemos a esti güelpe contra les llibertaes y que lluchamos pa frenar l’avance del autoritarismu.

Secretariáu Confederal, 15 d’avientu del 2014

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344