Home > Aición sindical > Educación y llingües nuna escuela globalizada

Educación y llingües nuna escuela globalizada

El sindicatu SUATEA asistió hai unos díes a les xornaes “Educación y llingües nuna escuela globalizada” organizaes pol sindicatu STEILAS del País Vascu sur y nes que tuvieron presentes amás del nuestru sindicatu en representación d’Asturies y la llingua asturiana, otros territorios con llingua propia como País Valencianu, Galicia y Cataluña. P’acabar estes xornaes lleóse, en tolos idiomes representaos, un comunicáu en defensa de les nuestres llingües. Equí tenéis  el comunicáu y el videu de la so  llectura.

Comunicáu final de les xornaes “Educación y llingües nuna escuela globalizada”

Los sindicatos STEILAS, SUATEA, STEG, STEPV, USTEC-STEs y Confederación STEs que participemos nes xornaes “Educación y llingües nuna escuela globalizada” entamaes por STEILAS en Iruña el 19 y 20 de febreru, cavilguemos la situación de les nueses llingües nos distintos territorios y manifestamos lo siguiente:
Somos conscientes de que los territorios equí representaos partimos de situaciones distintes, pero vistu’l deterioru de la calidá educativa que supunxo la imposición de la LOMCE, LEC (Llei d’educación de Catalunya) y el proyectu de llei HEZIBERRI (Llei d’Educación de la Comunidá Autónoma del País Vascu) y l’ataque que tán sufriendo les nueses llingües propies reafitamos na esixencia de la derogación d’estes lleis.
Compartimos l’oxetivu de la llucha na defensa de les llingües propies, de la so recuperación, prestixu, impulsu y espardimientu.
Cualquier llei educativa tien de garantizar la protección y fomentu de la llingua propia de cada territoriu. La introducción d’idiomes estranxeros – por aciu modelos plurillingües – nun tien de realizase a costa de les nueses llingües.
Afitámonos nel compromisu d’entamar un camín común de resistencia a la LOMCE, LEC y HEZIBERRI y a cualesquier otra llei educativa que nun garantice les anteriores demandes.

Los sindicatos STEILAS, SUATEA, STEG, STEPV, USTEC-STEs y Confederación STEs alcordemos realizar un próximu alcuentru p’afondar en propuestes p’avanzar nesti sen.

Esta entrada tamién se puede consultar en: Castellanu