Dotación pal ciclu 0-3 perbaxo de les necesidaes

Esta entrada está disponible en: Castellano (Castellanu)

La ufierta pública de places p’atender al alumnáu menor de trés años ye una obligatoriedá qu’establez la LOMLOE y que, al ritmu actual, nun se va cumplir

Según anunció’l presidente del Gobiernu, Pedro Sánchez, el pasáu domingu na Comunidá Valenciana, el Conseyu de Ministros d’esti martes, día 16 de payares va aprobar una dotación de 660 millones d’euros nos próximos trés años pa la creación de 64.000 places educatives pal primer ciclu d’Infantil, ye dicir pa escolarizar a neñes y neños dende los 0 hasta los 3 años.

Lo que nun puede dexar de ser una bona noticia, yá que ye la primer vegada qu’un gobiernu d’España asume la xera d’encarar la implantación d’esti ciclu educativu, sicasí queda asombrada polo ruino del importe económicu a aprobar y pola escasez de places qu’esti montante presupuestariu dexa crear. Si tenemos en cuenta que, magar del descensu de la natalidá nel Estáu, nos postreros trés años nacieron daqué más d’un millón de neñes y neños -339.206 esactamente nel añu 2.020-, el númberu de places que se van crear hasta l’añu 2.024, nun va dexar atender namái una mínima parte de la población d’esa edá.

La LOMLOE establez que les Alministraciones públiques tendrán d’amontar la ufierta de places públiques nel primer ciclu “col fin d’atender toles solicitúes d’escolarización de la población infantil de cero a trés años” y la so disposición adicional tercera concreta que pa la estensión de la Educación Infantil, va ellaborase un plan de 8 años de duración pa tener una “ufierta pública abonda”. Con éses, cuando remate 2.024 pasaríen cuatro años desque esta llei orgánica foi aprobada y -cuntando los 200 millones qu’establecíen los Presupuestos Xenerales del Estáu pa 2.021 que faíen posible la creación de 21.794 places- crearíense daqué menos de 86.000 places, na metá d’esos 8 años que señala la LOMLOE. Esto ye, na metá del plazu previstu pola LOMLOE, crearíense menos del 10% de les places necesaries p’atender a la totalidá de la población escolar 0-3 años.

Ye necesario, poro, que’l Ministeriu d’Educación y Formación profesional dea un mayor impulsu a la estensión del ciclu educativu 0-3 años p’atender la demanda de toles families, les necesidaes educatives del alumnáu y el fortalecimientu del sistema públicu d’educación. Yá hubo anuncios per parte de delles Comunidaes Autónomes nel sentíu d’asegurar la gratuidá de guarderíes y centros privaos qu’imparten esti ciclu. Dalguna d’elles, p’aplicalo yá nel próximu cursu 2022-23. Esto ye, va esviase otra vez dineru público a entidaes privaes.

Si’l Ministeriu nun toma la iniciativa con mayor enfotu y nun pon más medios que los aprobaos güei pol Conseyu de Ministros, volverá repitise -tamién nel primer ciclu d’Infantil- l’anómala situación que se da nel Estáu, que de los estrechos presupuestos d’Educación (poco más del 4% del PIB cuntando la totalidá a presupuestar por Ministeriu y Comunidaes Autónomes pal próximu añu 2.022), quítase una importante cantidá pa los conciertos colos centros privaos -más de 7.000 millones d’euros-.

16 de payares de 2021

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757