Home > Condiciones llaborales > Docentes más vulnerables covid-19

Docentes más vulnerables covid-19

La salú lo primero 

Dempués de la publicación del Protocolu pa la Prevención de contaxu por COVID-19 nel ámbitu llaboral del Personal Docente, nel que se contempla la esistencia de grupos de persones especialmente vulnerables a la enfermedá, munches d’elles solicitaron valoración de riesgu pa guarecer la salú en casu d’empecipiar la enseñanza presencial. A SUATEA tresmítennos,  enforma d’elles, que la respuesta a la so solicitú ye pa toes la mesma: “Trabayu presencial con EPIS afayadices”.  

Dende SUATEA valoramos qu’esta ye una respuesta estandarizada con una propuesta de midida xenérica de protección “Trabayu presencial con EPIS afayadices”, que se correspondería cola protección ordinaria mínima para cualesquier docente que tenga de trabayar presencialmente con alumnáu. 

Consideramos que nun tien sentíu aplicar midíes ordinaries de protección a grupos catalogaos como especialmente vulnerables, poniendo asina en grave riesgu la so precaria salú

Por ello, esiximos que, hasta últimos d’esti cursu, igual que’l restu del profesoráu, nun trabaye presencialmente y que pal próximu, cuando se faiga necesaria la educación presencial, siga dispensao de practicala.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344