Home > Comunicaos > Dicimos NON al Proyectu de Rial Decretu d’Especialidaes

Dicimos NON al Proyectu de Rial Decretu d’Especialidaes

Pieces PuzzleEl Ministeriu d’Educación, Cultura y Deporte ta acabante poner enriba la mesa un borrador de Real Decretu nel qu’establez les especialidaes de los cuerpos docentes de Secundaria y les condiciones que se van pidir pa impartir les diferentes materies.

Esti ye un borrador pa un nuevu Real Decretu d’especialidaes, p’asignar al profesoráu la impartición de materies de les que nun son especialistes, con fines dafechu economicistes, ensin mirar nin pola especialidá del profesoráu nin pola so formación.

En realidá, trátase d’una desregularización de les especialidaes docentes cola intención de compactar les plantiyes, tapar furacos horarios y acabar con asignatures poco “rentables”, lo que va trayer la perda de miles de puestos de trabayu ente’l colectivu interín y graves perxuicios non sólo pa la calidá educativa, sinon tamién pa la igualdá del enseñu, al afectar gravemente a l’Atención a la Diversidá.

Siguiendo la llinia de “mirar p’atrás” a la que nos tien avezaos el ministro Wert, con esta norma quier facese una involución pedagóxica que nos vuelve a los años 70 y 80 y a la implantación xeneralizada de les que llamen “materies afines”. Preténdese que’l profesoráu tenga qu’impartir materies pertenecientes a especialidaes distintes a les que-y correspuenden, cuando asina se precise, despreciando la profesionalidá docente y l’esfuerzu por meyorar les estratexes pedagóxiques que se lleven a cabu.

Por poner daqué exemplu exemplu, cola especialidá de Filosofía va poder impartise Actividá Emprendedora y Empresarial; el profesoráu de Llingua y Lliteratura Castellana va poder impartir Xeografía y Historia; el profesoráu d’Inglés, Alemán o francés van impartir tamién Llingua Castellana; los de Dibuxu van impartir tamién Artes escéniques; los d’ Educación Física van encargarse d’Artes Escéniques y Danza; los de Llingua Castellana y Lliteratura podrán encargalos de dar Xeografía y Historia; El profesoráu de Xeografía y Historia va poder poner clase de Valores Éticos, Historia de la música y la danza y Economía (Axuntamos anexu V onde apaecen les intenciones intenciones del Ministeriu).

Tamién se constituyen grandes bloques pa les materies del ámbitu científicu. Les atribuciones son tan amplies que cualquier docente del área científica podrá impartir cualquier materia. Esto ye pergrave nel casu de Bachilleratu, agora que les universidaes piensen desixir que se tengan cursao determinaes materies arreyaes a les sos titulaciones pa que l’alumnáu acceda a elles, como condición sine qua non. De la mesma manera, despréciense los conocimientos rellacionaos coles materies de Llatín y Griegu, que desapaecen pa convertise nuna especialidá col títulu de “Lenguas clásicas y Cultura Grecolatina”, ye dicir, dos por una, cuando vienen de procesos selectivos estremaos..

Otru elementu qu’atenta contra los principios de méritu, capacidá ya igualdá a la hora d’acceder a la docencia ye la introducción, na disposición adicional novena, de la posibilidá de contratar espertos en llingües estranxeres “a deu”, con criterios de selección mui escuros.. Amás, el profesoráu de llinguas extranxeres de Secundaria y Escueles Oficiales d’Idiomes va poder impartir clase en Primaria y desplazaráse a los docentes d’esta etapa. Los desdobles y l’atención a la diversidá en secundaria van desapaecer y amás esto puede suponer la privatización de les Escueles Oficiales d’Idiomes.

Esta política del “val too” va producir situaciones llacerioses ya que, pa cada cursu escolar y atendiendo a “necesidaes del centru”, va poder asignase a un especialista materies de cualisquier otra mena agospiándose en criterios que nun apaecen especificaos y que va dexar la puerte abierto a cualisquier posibilidá (artículu 3.4).

Pa encima y como “mancadura colateral” nel artículu 5.2 trátase la cuestión de les materies de llibre configuración autonómica. Establez la existencia d’especialidaes propies de les llingües cooficiales nes CCAA que les tengan pero nun se reconoz la posibilidá de creala nos casos que como l’asturianu tienen protección xurídica y presencia curricular. Nesti sentíu correspuénde-y a la Conseyería d’Educación asturiana poner les midíes oportunes pa qu’esto s’igüe y pueda apaecer, como previamente se fexo na LOMCE, un reconozomientu que s’axuste a la realidá llingüística asturiana na educación.

Les consecuencies de too esto son de una gran calter y afecten al sistema en tol so sen. Ye una situación que se suma a los recortes vivíos nos últimos cursos, onde la plantiya docente foi menguando y onde s’aumentó l’horariu llectivu. Cada vez queda menos profesoráu pa facer apoyos o posibilitar desdobles. Les poques hores sueltes que quedaben pa ello van ser emplegaes en dar docencia notres especialidaes y l’atención a la diversidá va sofrir otru güelpe más.

ASPECTOS A DESTACAR DEL BORRADOR DEL RIAL DECRETU D’ESPECIALIDAES

Preámbulo.

“….establecer una nueva asignación de materies del currículu a toles especialidaes de los cuerpos docentes que, teniendo en cuenta les necesidaes de titulación y de cualificación requeríes pola ordenación xeneral del sistema educativu, permita a les Alministraciones educatives y a les direcciones de los centros iguar una propuesta pedagóxica lo más amplia posible, según la naturaleza y les necesidaes específiques de cada centru..”

Artículu 3.
Asignación de materies n’Educación Secundaria Obligatoria y Bachilleratu.

3. El personal funcionariu del Cuerpu de Caderalgos d’ Enseñu Secundariu y del Cuerpo de Profesores d’Enseñu Secundariu de les especialidaes que s’iincluyen nel anexu V habrá, cuando asina se precise, impartir les materies del Bachilleratu y de la Educación Secundaria Obligatoria d’alcuerdu coles correspondencies que s’especifiquen  nesi anexo, siempre qu’incorpore les condiciones que nél se detallen y ensin perxuiciu de la preferencia que,  pa impartir les materies respectives, tien el profesoráu de les especialidaes a les que se refieren los anexos III y IV. Les Alministraciones educatives regularán, pa los sos ámbitos respectivos, el procedimientu col que se va facer esa asignación.

4. Ensin quitar nada de lo previsto nos apartaos anteriores, les alministraciones educatives podrán pa cada cursu escolar y cuando les necesidaes d’un centro lo pidan, asignar otres materies distintes de les recoyíes nos anexos d’esti Real Decretu a personal funcionariu d’una  especialidá concreta cola cualificación académica o la esperiencia docente necesaria. Correspuende a cada Alministración regular, pa los sos ámbitos respectivos, l’exercíciu d’esta posibilidá que, en tou casu, nun tendrá efectu sobre les plantilles de los centros.

5. El personal funcionariu de los cuerpos de caderalgos d’Enseñu secundariu y de profesores d’enseñanu secundariu de la especialidá «Orientación educativa» va ocupase de llabores d’orientación y, amás, podrán desenvolver docencia n’aplicación de lo que disponga cada Alministración educativa.

 

Anexo V:
Asignación de materias a las que se refiere el apartado 3 del artículo 3.

Anexo V. Borrador Proyectu de Rial Decretu d'Especialidaes

 

Artículo 5.
Asignación de materies del bloque de llibre configuración autonómica.

1. Les Alministraciones educatives determinarán l’atribución de les materies del bloque de llibre configuración autonómica que establezan na Educación Secundaria Obligatoria y nel Bachilleratu al profesoráu de los Cuerpos de Caderalgos d’Enseñu Secundariu y de profesores d’enseñu secundariu de toles especialidaes docentes.

Esti profesorásu va ser habilitáu al efectu poles correspondientes alministraciones educatives, que van determinar los requisitos formativos y, si llega’l casu, la esperiencia que-yos paeza necesaria.

Disposición adicional novena: Docencia nuna llingua estranxera.

Les Alministraciones educatives van regularlos requisitos de formación añedíos que se van desixir al profesoraáu pa impartir nuna llingua estranxera un área o materia distinta a la d’esta llingua, en centros públicos o privaos que tengan proyectos educativos que comporten un réxime d’enseñu billingüe o plurillingüe. Ente estos requisitos habrá incluyise l’acreditación del dominiu de la llingua estranxera equivalente polo menos al nivel B2 del Marcu Común Européu de Referencia pa les Llingües.

Sicasí, conforme a lo establecío na disposición adicional trixésima sétima de la Llei Orgánica 2/2006, de 3 de mayu, pa cada cursu escolar, les alministraciones educatives podrán escepcionalmente, mientres exista insuficiencia de personal docente con competencies llingüístiques abondes, incorporar espertos con dominiu de llingües estranxeres, nacionales o estranxeros, como profesoráu en programes billingües o plurillingües, p’atender a les necesidaes de programación del enseñu yel desenvolvimientu del plurillingüismu al que se refier la disposición final sétima bis d’esta Llei Orgánica. Estos espertos habrán ser habilitaos poles alministraciones educatives, que decidirán los requisitos formativos y, nel so casu, la esperiencia que paeza preciso. En cualquier casu, los espertos habrán tar en posesión del títulu de Doctor, Llicenciáu, Inxenieru, Arquitectu o’l títulu de Grau correspondiente,igual qu’otrutítulu equivalente a efectos de docencia

 

Anexo I
Especialidades docentes de los Cuerpos de Catedráticos de Enseñanza Secundaria y de Profesores de Enseñanza Secundaria

Igual que nel anterior, excepto “llingues clásiques y cultura grecolatina”, especialidá que fusiona les especialidaes de Griego y Latín.

Anexo III.
Asignación de materies na Educación Secundaria Obligatoria a les especialidaes docentes de los Cuerpos de Caderalgos Secundaria Obligatoria y de Profesores de Enseñanza Secundaria Obligatoria.

Anexo V. Borrador Proyectu de Rial Decretu d'Especialidaes
Anexo III.
Asignación de materias de la Educación Secundaria Obligatoria a las especialidades docentes de los Cuerpos de Caderalgos d’Enseñanza Secundaria Obligatoria y de Profesores de Enseñanza Secundaria Obligatoria.

02-AnexoIII
Nota:  Nos centros nos qu’heba  profesores de la especialidá d’Informática, éstos tendrán preferencia sobre los de Tecnoloxía pa impartir la materia de Tecnoloxíes de la Información y les Comunicaciones.
Cuando la mesma materia tea asignada a delles especialidaes, l’orde de prelación na axudicación va determinalu lo que les alministraciones educatives decidan pal so ámbito de competencia, pola asignación que los centros faigan na so Programación Xeneral Añal.

 

Anexo IV.
Asignación de materies de bachillerato a les especialidaes docentes de los Cuerpos de Caderalgos d’Enseñanza Secundaria Obligatoria y de Profesores d’Enseñanza Secundaria Obligatoria.

03-AnexoIV
SUATEA manifiesta la so clara oposición al recién presentáu Proyectu d’Especialidaes de Secundaria, otra medida en contra de la calidá del enseñu que’l ministru Wert quier sacar alantre.

SUATEA y la Confederación de STES van promover movilizaciones unitaries si’l MEC nun abre un verdaderu procesu negociador y retira de forma definitiva esti borrador que ye contrariu a la calidá del enseñu y al más elemental respetu a la nuestra profesionalidá.

SUATEA comprométese a caltener informáu al profesoráu y a recoyer les sos aportaciones.

NAIDE PUEDE ROBANOS LA DIGNIDÁ Y SOLAMENTE LA PIERDE QUIEN LA DA. NOSOTRES Y NOSOTROS DECIDIMOS NUN LA ENTREGAR

* La redacción d’esti boletín quier pidir disculpes pol usu, en delles de les sos partes, d’un llinguaxe sexista y non inclusivu. Son los epígrafes y párrafos que se garraron lliteralmente del borrador.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743