Día Internacional pal Desaniciu de la Violencia Sexual nos Conflictos

Esta entrada está disponible en: Castellano (Castellanu)

19 de xunu – Día Internacional pal Esaniciu de la Violencia Sexual nos Conflictos

La Organización de Muyeres súmase al día internacional contra la violencia sexual nos conflictos, xornada que dende 2015 pretende denunciar les otomíes a les que se ven sometíes muyeres, neñes y neños de manera indirecta o directa nos conflictos armaos. Estes otomíes son múltiples y numberoses, y toes elles formen parte de la violencia machista. Asina, col envís d’utilizar el cuerpu de les muyeres como una estensión del campu de batalla, perpétrense violaciones, esterilizaciones, albuertos obligaos y mutilaciones; impónense esclavitú sexual, prostitución, y matrimonios forzaos.

Ye posible que delles persones piensen que, nel mundu del sieglu XXI los conflictos armaos yá nun esisten. Esto ta bien lloñe de ser real: guerres, declaraes y non declaraes, hai munches. Dalgunes eventualmente atropen titulares efímeros nos medios de comunicación, como les masacres de Ruanda y Srebrenica (por poner namás dos casos del sieglu pasáu) o los atentaos y secuestros múltiples sobremanera yihadistes (sabemos poco d’otros oríxenes) que se cometen en países que nos resulten alloñaos.

Sicasí, más esmolecedor resulta’l fechu de qu’otros conflictos tán callaos de manera sistemática, consciente y, de resultes, cómpliz pol autonomáu “primer mundu”. Vamos poner namás unos exemplos. Agora mesmo, mientres escribimos estes llinies, l’exércitu turcu ta cumpliendo’l mandatu d’Erdogan d’invadir el territoriu del pueblu curdu, trespasando les fronteres de Turquía y Siria, reprimiendo gravemente a la población. Les muyeres curdes son un exemplu inequívocu de valentía, porque s’enfrenten non solo a Erdogan, sinón a la barbarie del Daesh, que los sos métodos d’opresión inclúin el raptu y esplotación sexual y reproductiva de muyeres. Tamién ye menester alcordase de les violaciones sistemátiques que sufrieron les muyeres indíxenes de Sepura Zarco a manos de militares de Guatemala, o agresiones sexuales a muyeres hai poco nes protestes contra’l presidente Uribe en Colombia, país onde se sigue asesinando a defensores de los derechos humanos per parte de los paramilitares, porque los alcuerdos de paz namás llograron invisibilizar la guerra, pero non acabar con ella.

En tolos conflictos pasaos y presentes (y de xuro futuros) repítese la mesma premisa: les muyeres son oxetu de violencia sexual nes sos múltiples formes. Les muyeres y los sos cuerpos formen parte del campu de batalla. Por desgracia, la violencia sexual nos conflictos nun vien sola: acompáñenla otres práutiques igual d’abominables como saqueos, tortures y tratos degradantes ya inhumanos. Los perpetradores d’estos delitos graves contra la humanidá suelen ser grupos armaos estatales o non, amparaos pol exércitu. Ensin dulda, practiquen estes múltiples vulneraciones de los derechos humanos como métodu de guerra para destruyir el texíu social, coles mires de mover a comunidaes enteres del so territoriu, confiscar finques o espulsar a los grupos que consideren indeseables.

La organización de Muyeres queremos destacar que les víctimes más frecuentes de violencia sexual son precisamente muyeres, neñes y neños que de cutiu pertenecen o se cree que pertenecen a una minoría política, étnica o relixosa, y son atacaes en gran midida por tar en situación de mayor vulnerabilidá. Ser muyer ye en munchos llugares una sentencia de violencia.

Amás, denunciamos la total impunidá de los estaos y de grupos criminales, que nos conflictos armaos cometen estos graves delitos contra la humanidá. Pidimos el fin de los conflictos armaos y reclamamos l’amparu y la proteición de toles persones supervivientes d’estes violencies sexuales, que s’enfrenten, amás, con prexuicios sociales y estructurales que torguen que sían reconocíes como víctimes.

Ensin paz, nun vamos tener igualdá. Ensin igualdá, nun vamos tener paz.

Secretaría de la muyer de SUATEA

ORGANIZACIÓN DE MUYERES DE LA CI

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757