Día Internacional pa la Eliminación de la Violencia Sexual nos Conflictos

En xunu del 2015 l’Asamblea Xeneral de la ONU proclamó’l 19 de xunu “Día Internacional pa la Eliminación de la Violencia Sexual nos Conflictos”. La violencia sexual en tolos conflictos ye una arma de control per parte del adversariu un terrorismu cruel.

La vulnerabilidá de les muyeres y les neñes, como los neños, nos conflictos armaos ye un claru abusu de poder per parte de quien empecipien estos conflictos, que siempres son homes. Los riesgos son claros, les violaciones y abusos sexuales continuos. Ye una manera de demostrar el poder del home sobro’l pueblu primíu nesi momentu, son” trunfos de batalles”.

Precísase una intervención institucional d’aquellos países que tienen el mundu nes sos manes, según, aquelles Organizaciones mundiales que velen pol cumplimientu de los DDHH.

La “violencia sexual rellacionada colos conflictos” toma les violaciones, la esclavitú sexual, la prostitución forzada , los embaranzos forzaos, la esterilización forzada y cualesquier otru actu de grave violencia sexual contra muyeres, homes o neños y neñes que tienen una vinculación directa o indireuta con un conflictu .

Una esmolición constante ye que’l mieu y l’estigma cultural converxen por que la inmensa mayoría de los supervivientes de la violencia sexual rellacionada colos conflictos nun denuncien. Los profesionales en terrén envaloren que per cada violación denunciada en relación con un conflictu, hai ente 10 y 20 casos que queden ensin documentar.

El movimientu feminista ye’l primeru en denunciar estes situaciones que tán viviendo les muyeres n’otros países, hai ONGs que tán nel sitiu intentando salvales…pero…esti mundu ta apoderáu pol capitalismu y el patriarcáu . Poco importen nestos conflictos la situación de muyeres y neñes o neños lo importante ye consiguir territorios, someter a la población civil …

El núcleu del feminismu pacifista constituyir muyeres que desenvolvieron un discursu potente contra la guerra y propunxeron les bases pa llograr una paz permanente. Coles mesmes, contribuyeron a esta tradición les que s’entamaron a favor de lo que conocemos como paz positiva, les que reclamaron derechos y propunxeron midíes pa establecer condiciones de vida más xustes y igualitaries, pa elles y les sos sociedaes.

Una clave d’esti feminismu pacifista foi’l so internacionalismu, la so vinculación con organizaciones que trespasaron fronteres y constituyeron un movimientu internacional de muyeres.

Dende la Organización de Muyeres de la Confederación Intersindical nun vamos dexar de denunciar esti terrorismu sexual del que s’aprovecha cualquier país que ta dientro d’un conflictu armáu .

Secretaría de la Muyer de SUATEA y OM de la Confederación Intersindical