Día internacional de les muyeres y les neñes na Ciencia.

Esta entrada está disponible en: Castellano (Castellanu)

A finales del 2015 l’Asemblea Xeneral de les Naciones Xunies acordó declarar el 11 de febreru como’l Día Internacional de les Muyeres y les Neñas na Ciencia. Dende entonces, la Organización de Muyeres de la Confederación Intersindical amestose al sofitu y reivindicación d’esti día recopilando propuestes y recursos didáuticos encaminaos a visibilizar la contribución de la muyer al conocimientu científicu, asina como a reforzar la participación de muyeres y neñes nel ámbitu de la ciencia, la investigación y l’anovación.

Les estadístiques desagregaes feches por distintes universidades e instituciones científiques, nacionales y europees, siguen amosando la necesidá de fomentar carreres científiques ente les neñes y les moces. Especialmente nes enseñances STEM. Siguimos poniendo’l focu na educación obligatoria pa visibilizar les nueses investigadores de güei y d’antañu como referentes y modelos pa les futures estudiantes universitaries.

Ye necesariu continuar insistiendo en poner n’evidencia les dificultaes de promoción a escales cimeres y de liderazgu en proyeutos científicos de las muyeres que trabayen en ciencia y anovación.

N’España, apenes una de cada cuatro estudiantes de grau de primer y segundu ciclu n’inxeniería y arquitectura son muyeres. Esto asocede tamién na UE y nel mundu, onde tan solo, según datos de la UNESCO, el 3% de les estudiantes de carreres rellacionaes coles tecnoloxíes de la comunicación son muyeres, y en campos de vanguardia como la intelixencia artificial, solo una de cada cinco profesionales ye una muyer.

Para la Organización de Muyeres de la CI, ye un oxetivu prioritariu insistir na necesidá de revertir esta situación. Hai que siguir potenciando l’atracción de talentu femenino mozo y debe sofitase la carrera profesional de les investigadores.

Por ello, insistimos nel nuesu compromisu siguíu con toos aquellos programes y proyeutos en favor de la llucha pola igualdá de xéneru na ciencia.

La Organización de Muyeres de la CI sumase asina a contribuyir al fomentu de les vocaciones científiques ente les más moces y a la participación plena y efectiva de les muyeres nel ámbitu de la I+D+i, avanzando asina a una ciencia d’excelencia, más igualitaria y de mayor calidá.

L’anovación científica tamién tien nome de muyer.

Madrid, 11 de febreru de 2023

Organización de Muyeres CI

Print Friendly, PDF & Email

Esta entrada está disponible en: Castellano (Castellanu)