Home > Comunicaos > Día Internacional de les Muyeres pola Paz y el Desarme

Día Internacional de les Muyeres pola Paz y el Desarme

Según ONU Muyeres, cuando les muyeres asumen roles de lideralgu y participen nos procesos de paz, llógrase una paz más duradera. Desque’l Conseyu de Seguridá de les Naciones Xuníes aprobara, hai 17 años, el novedosu resolvimientu 1325 reclamando la participación de les muyeres nes xeres d’afitamientu de la paz, son cada vez más les pruebes qu’indiquen que les muyeres desempeñen un poderosu rol nel caltenimientu de la paz nes sos respectives comunidaes y naciones. Esisten estudios que rescamplen que la igualdá de xéneru ayuda a tornar conflictos, mientres que la presencia de tases elevaes de violencia contra les muyeres guarda correlación col surdimientu de conflictos.

Sicasí, magar d’estes pruebes, les midíes en pa una mayor inclusión, lideralgu y protección de les muyeres siguen siendo insuficientes. En dellos llugares inclusive se reculó nesti sentíu.

Dende la Organización de Muyeres de la Confederación Intersindical, sofitamos el lideralgu de les muyeres nos procesos de Paz. Entendemos que nes zones de conflictu les muyeres sufren una doble violencia, per un llau la violencia derivada del conflictu y per otru llau la violencia que sufren pol fechu de ser muyer. Pero les muyeres non solo sufren violencia y desprotección nel conflictu. Depués de los conflictos les muyeres sufren una mayor desigualdá, amás les tases de mortalidá materna ta penriba la media mundial, y les neñes son escluyíes de la escolarización. En munchos casos son emplegaes y reclutaes por organizaciones terroristes (ente’l 20% y 30% Según ONU Muyeres).

Los campos de refuxaos abonen desigualdaes y abusos contra muyeres y neñes. Delles veces lleguen soles y son emplegaes pa comerciar colos sos cuerpos por mafies establecíes nestos llugares.

Dende la Organización de Muyeres reivindicamos el papel de les muyeres nes negociaciones de Paz y nel resolvimientu de conflictos. Ta demostrao que naquellos alcuerdos onde participaron muyeres duraron enforma más, con midíes igualitaries y con perspectiva de xéneru.

La vulnerabilidá de les muyeres ye un fechu y énte esta situación la OM esixe:

– Que se tengan en cuenta les necesidaes y vulnerabilidaes específiques de les muyeres y neñes como respuesta a la crisis migratoria y de persones abellugaes p’apangar les graves consecuencies médiques y sicolóxiques que causen les migraciones traumátiques.

– Que les muyeres tengan derechu a reclamar asilu y puean faer lo que-yos pete de manera independiente.

– Que se protexa a les muyeres abellugaes frente a la violencia y se reconoza la violencia contra les muyeres como una forma de persecución acordies cola Convención sobro los Refuxaos de les Naciones Xuníes.

– Que se dean respuestes con garantíes de xéneru acordies coles normes de derechos humanos tanto a los conflictos armaos como al drama de les persones refuxaes y despalzaes.

– Que se destinen partíes económiques específiques pa cubrir les necesidaes de les muyeres y pa promover la igualdá de xéneru y empoderar a les muyeres de les zones en conflictu.

Organización de Muyeres de la Confederación Intersindical y Secretaría de muyer de SUATEA

24 de mayu de 2018

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743