Día Internacional de les neñes nes TIC

Esta entrada está disponible en: Castellano (Castellanu)

El Día Internacional de les Neñes nes Tecnoloxíes de la Información y la Comunicación (TIC) surdió a partir de la Conferencia de la UIT celebrada en Guadalajara, México, en 2010, onde s’estableció’l Resolución tituláu “Incorporación d’una política de xéneru na UIT y promoción de la igualdá de xéneru y l’apoderamientu de la muyer per aciu de les tecnoloxíes de la información y la comunicación”. Y celébrase dende l’añu 2011, l’últimu xueves del mes d’abril.

La Comisión Europea auguró pa Europa un déficit de formación de más de 500.000 puestos de trabayu nes tecnoloxíes de la información y la comunicación (TIC) pa 2020. Esto debese a que nun hai suficientes estudiantes formándose en matemátiques, inxeniería, informática o ciencies. P’agravar esti problema, el númberu de muyeres estudiantes de carreres técniques ye desproporcionadamente baxu.

Según un estudiu de la Comisión Europea, solo’l 30% de trabayadores nel sector tecnolóxicu n’Europa son muyeres y, n’España, la cifra baxa hasta’l 18%. Asina, ponse de manifiestu una gran desigualdá yá nel accesu a les carreres d’esta área, enclín que se consolida más tarde cola infrarrepresentación femenina en puestos directivos y de responsabilidá, inclusive más que n’otros sectores.

Según se señala  dende la UIT, una amplia gama d’organizaciones ya empreses concluyeron que tener más muyeres nel nivel cimeru tien repercusiones positives nos resultaos financieros y, amás, el sofitu a la educación de les muyeres y les neñes nel sector de les TIC ye coherente con unu de los Oxetivos de Desenvolvimientu Sostenible de la ONU.

La educación ye fundamental. Hai que semar l’afición a la tecnoloxía dende los colexos, y nel entornu sociu-cultural hai que romper los estereotipos qu’animen a les moces a facer  carreres menos tecnolóxiques.

Dende equí encamentamos al Gobiernu y a les organizaciones implicaes a fomentar midíes p’averar el mundu de les TIC a les neñes y promover el so interés de la siguiente manera:

  • Les empreses y departamentos de tecnoloxía d’entidaes del gobiernu pueden abrir les sos puertes y convidar a neñes d’escueles, colexos y liceos a conocer el trabayu que realicen y a dialogar con elles sobre les múltiples oportunidaes qu’ufierta’l sector.
  • Les universidaes pueden entamar xornaes o feries informatives sobro les carreres de tecnoloxía empobinaes a moces estudiantes de ciclos cimeros de los institutos y colexos.
  • Escueles y colexos pueden entamar charres y diálogos con muyeres profesionales de l’área TIC pa que compartan coles escolines les sos esperiencies y los sos ésitos.
  • Organización d’eventos grandes o en pequeños, n’escueles, empreses, comunidá.
  • Espublizar información sobre la importancia, pal desenvolvimientu del país, de que más muyeres estudien carreres técniques y profesionales rellacionaes coles tecnoloxíes de la información y la comunicación.

Xueves, 26 d’abril de 2018.

Organización de Muyeres de la Confederación Intersindical

Print Friendly, PDF & Email

Esta entrada está disponible en: Castellano (Castellanu)