SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
El 26 d’abril, como tolos años dende’l 2008, conmemórase’l Día Internacional de la Visibilidá Lésbica en varios países pa reclamar la igualdá de derechos y oportunidaes pa les persones lesbianes.
Sigue habiendo algunes cultures onde les creencies, los estigmas y prexuicios con esti colectivu siguen esistiendo y, por esa razón, munches muyeres tienen que vivir condenaes a esta doble discriminación, primero pol so xéneru y segundo pola so orientación sexual.
Anque nos últimos años, n’algunos países europeos hubo avances en cuestión de lleis, siguen siendo munches les víctimes de la lesbofobia. Diferentes estudios dicen que…
… munches muyeres lesbianes prefieren nun “salir del armariu” en so puestu de trabayu por mieu a represalies.
… munches muyeres que revelen la so orientación sexual en trabayu aseguren que tuvieron problema por ello.
… una de cada 10 muyeres lesbianes dexaron el trabayu por problemes derivaos de la so orientación sexual.
Por esa razón, güei más que nunca, ye fundamental que la educación afectivo-sexual s’imparta de manera xeneralizada pa educar na diversidá y combatir l’acosu y la violencia contra esti colectivu.
Dende la Organización de Muyeres de la Confederación Intersindical, una vez más, desiximos lleis que nun dean pasos atrás p’algamar una sociedá más llibre, xusta y igualitaria. ´
Esta entrada está disponible en: Castellano (Castellanu)
