Home > Muyer > Día Internacional de la Muyer y la neña na Ciencia

Día Internacional de la Muyer y la neña na Ciencia

La Secretaría de la Muyer de SUATEA y l’Organización de Muyeres de la Confederación Intersindical queremos conmemorar el día Internacional de la Muyer y la neña na Ciencia. Ye necesariu empoderar a les muyeres y neñes al traviés del accesu a la educación y la ciencia, pos les muyeres son necesaries pa contribuyir al desenvolvimientu del progresu nel mundu.
Según ONU, la ciencia y l’igualdá de xéneru son vitales pa realizar los Oxetivos de Desenvolvimientu Sostenible, incluyíos na Axenda 2030. Nos postreros 15 años, la comunidá internacional fixo un gran esfuerzu inspirando y promoviendo la participación de les muyeres y les neñes na ciencia. Desafortunadamente, elles siguen enfrentándose a barraras que-yos torguen participar dafechu nesta disciplina. Acordies con un estudiu realizáu en 14 países, la probabilidá de que les estudiantes terminen una llicenciatura, una maestría y un doctoráu en dalguna materia rellacionada cola ciencia ye del 18%, 8% y 2%, respectivamente, ente que la probabilidá pa los estudiantes masculinos ye del 37%, 18% y 6%.
La celebración del día 11 de febreru como’l de les muyeres y neñes na ciencia, pretende visibilizar la necesidá d’educar n’igualdá y de que les neñes tengan accesu a la educación, que tengan los mesmos derechos y oportunidaes p’aportar a órganos de decisión nel campu de la ciencia.
Ye importante que les neñes tengan referentes femeninos en tolos campos del saber, por ello ye importante que conozan y aprecien les aportaciones de les muyeres na ciencia. Ye necesariu que se sientan capaces de llegar a les metes que se propongan ensin l’hándicap del xéneru”.
Dende la Secretaría de la Muyer de SUATEA y l’Organización de Muyeres de la Confederación Intersindical, nel nuesu enfotu de contribuyir na visibilización de les muyeres, ellaboramos un calendariu onde faemos visibles a muyeres, a lo llargo de los 365 díes faemos referencia a fechos y acontecimientos que reflexen les lluches feministes, según aportaciones de muyeres nos distintos campos del saber, ente ellos la ciencia, deseyamos qu’esta pequena aportación sirva como referente pal empoderamiento de les muyeres y les neñes.

Madrid, 11 de febreru de 2017
SM de SUATEA y l’O M de la Conf. Intersindical

Esta entrada tamién se puede consultar en: Castellanu