Home > Muyer > Día internacional contra la violencia hacia les muyeres 25P

Día internacional contra la violencia hacia les muyeres 25P

MANIFIESTU DE LA ORGANIZACIÓN DE MUYERES DE LA CONFEDERACIÓN INTERSINDICAL POL 25N,
DÍA INTERNACIONAL PAL DESANICIU LA VIOLENCIA CONTRA LES MUYERES.

Dende va años les muyeres tamos reivindicando, la recuperación nunos casos o la concesión n’otros, de derechos que’l patriarcáu, nel so intentu de someter a les muyeres, arrampuñónos. Llueñe d’abangamos, xunímonos pa lluchar polos nuesos derechos y dende los movimientos feministes, movilicémonos y llevantémonos pa dicir “abasta yá”. Estes movilizaciones remataron en dos grandes marches en Madrid, el Tren de la llibertá en 2014, pol derechu de les  muyeres a decidir y la marcha del 7N  en 2015, contra les violencies machistes. Estos dos acontecimientos supunxeron un finxu, tanta n’España como a nivel Internacional, pues consiguieron xunir a colectivos de muyeres y a persones  a títulu individual nun frente común, esixir midíes pa desaniciar tou tipu de violencia contra les muyeres.

Pero’l Patriarcáu sigue intentando caltener la so hexemonía y poder, tanto ye asina, qu’abrió nuevos frentes de guerra que busquen l’enfrentamientu ente los grupos de muyeres. Asina, nun intentu de “estrema y vas vencer”  sacáronse a la palestra temes como ye la regulación de la prostitución frente a l’abolición de la mesma o la maternidá subrogada.

Los movimientos feministes, y les muyeres, polo xeneral, tenemos de tar sollertes y tener presente aquello que nos xune: la llucha contra’l patriarcáu, el machismu y la busca la igualdá. Nun escaezamos que tenemos enforma camín por percorrer. Nun tenemos de baxar la guardia ante la cantidá de feminicidios que se producen tanto nel estáu español como nel restu del mundu. Hasta la fecha son 86 les muyeres asesinaes n’España pol simple fechu de ser muyer. Nun tenemos d’escaecer que les violencies contra les muyeres, non yá nun aparen sinón que cada vez son más sangrines y empiecen a edaes más tempranes.

Ante la continua y testona criminalización de les muyeres que sufren violencia sexual, tenemos d’esixir el nuesu derechu a salir a la cai ensin mieu, a la hora que queramos y vistíes como nos pruya.

Tar sollertes y denunciar toa discriminación llaboral y/o económica por ser muyeres, la fienda salarial asítiase nun 24% y el númberu de muyeres en situación de probeza medra. Mientres la probeza aumenta, la franxa que dixebra les condiciones d’homes y muyeres va faciéndose cada vez mayor, nun escaezamos qu’el 70% de les persones en situación de probeza son muyeres. Tratar d’un fenómenu conocíu como la feminización de la probeza. Reivindicar que la salú de les  muyeres sía tratada con perspectiva de xéneru, que se promuevan polítiques de promoción de la salú dende dellos enfoques, onde se fai patente la necesidá de tomar  midíes lexislatives, fiscales, y cambeos organizativos, pa dar la respuesta afayadiza a les muyeres.

Esixir al Gobiernu que la violencia contra les muyeres sía considerada una cuestión d’Estáu. Dende la Organización de Muyeres de la Confederación Intersindical  sofitamos la propuesta de la Plataforma 7N pa que’l 2017 sía l’añu pa la eliminación de les violencies machistes, y que se promuevan  propuestes concretes pal so desaniciu.

 

Porque les muyeres querémomos  “VIVES, LLIBRES Y EMPODERAES

Organización de Muyeres de la Confederación Intersindical
25 de noviembre de 2106

Unidades didácticas de Infantil y Primaria, Secundaria, Bachillerato y EPA (a través de ISSUU)

Esta entrada tamién se puede consultar en: Castellanu