Home > Comunicaos > Día Internacional contra la Homofobia, la Lesfobia, la Transfobia y la Bifobia

Día Internacional contra la Homofobia, la Lesfobia, la Transfobia y la Bifobia

El 17 de mayu, celébrense los 27 años dende la eliminación de la homosexualidá de les llistes d’enfermedaes mentales per parte de la Organización Mundial de la Salú (OMS).

Dende’l 2005, celébrase’l Día Internacional contra la Homofobia, Lesbofobia y Tresfobia. Esto ye, contra l’odiu contra la diversidá afeutivo y sexual y les múltiples identidaes de xéneru.

Anque’l 17 de mayu de 1990 la homosexualidá esaniciase de la Clasificación internacional d’enfermedaes de la OMS, entá nun  dexa de considerase  la transexualidá como enfermedá, y asina consta nel so catálogu d’enfermedaes, ye más na edición y revisión d’enfermedaes que va sacar en 2018 camudala d’epígrafe pero nun la esclúi de les enfermedaes. Tamién tenemos que tener en consideranción que les  relaciones ente persones del mesmu sexu siguen criminalizándose en 70 países, de los cualos cinco inda apliquen la pena de muerte a los homosexuales.

Dende la Organización de Muyeres de la Confederación Intersindical y tamién dende SUATEA queremos sumanos a la condena de tou tipu de discriminación de que son oxetu les persones homosexuales, lesbianes, bisexuales, tressexuales y intersexuales. Ye por ello polo que güei reivindicamos la igualdá efectiva de derechos xurídicos y sociales del colectivu LGTB+, asina como’l respetu total a la orientación sexual y a la identidá de xéneru de cada persona, y esiximos la so contemplación nel ámbitu educativu y nos demás ámbitos sociales, como reflexu de la diversidá que cada individuu tien y de la pluralidá que los Estaos tienen la obligación de respetar y faer cumplir.

Queremos amás aprofiar nel papel de la educación na formación del respetu a tolos derechos humanos. La educación pública de calidá esixe que toos y caún de los centros escolares (alumnáu, profesoráu y families) faigan frente a la discriminación lluchando contra los prexuicios y los estereotipos de xéneru, l’acosu y l’acosu escolar, incluyíu’l de calter homófobu.

Esta entrada tamién se puede consultar en: Castellanu