Home > Comunicaos > Día européu de les llingües: Pola diversidá llingüística

Día européu de les llingües: Pola diversidá llingüística

DÍA EUROPÉU DE LES LLINGÜES: POLA DIVERSIDÁ LLINGÜÍSTICA

Güei, 26 de setiembre, el Conseyu d’Europa entama un añu más el Día Européu de les Llingües, que tien como oxetivos xenerales destacar la importancia del aprendizaxe de les llingües, incrementar el plurilingüísmu y promover la diversidá llingüística como una auténtica riqueza cultural.

N’Europa fálense más de 200 llingües. Esta realidá, que tendría de valorase y reconocese como una verdadera ayalga, amuesa sicasí demasiaes solombres: rescampla que non toles llingües reciben el mesmu tratu, nin esfruten del mesmu estatus. Mentanto que’l Conseyu d’Europa señala claramente que “la riqueza y la diversidá llingüística europea tien de ser caltenida y reforzada”, n’estaos como l’español nun esiste una reconocencia dafechu de les llingües cooficiales nin hai un respetu a les llingües minoritaries. La preponderancia del castellán sobro’l restu de llingües falaes nel Estáu -ya inclusive sobro les modalidaes llingüístiques del propiu castellán- ye absolutamente apolmonante en cualesquier de los ámbitos de la vida, dende la educación a los medios de comunicación, tando sometíes el restu de llingües a una constante presión que delles veces puede poner en riesgu la so propia pervivencia, en contra de lo alcordao en distintos foros internacionales tocantes a diversidá llingüística, cultural y identitaria.

Mermar unes llingües frente a otres nun ye sinón secuestrar la diversidá y escoyer el despreciu frente a la convivencia. Ensin dulda, la diversidá de llingües -tanto n’Europa como nel estáu español- tien de ser un patrimoniu valoráu por toles persones ya instituciones, esaniciando toa contaminación qu’aprobetaye’l nivel cultural y arreblague los prexuicios centralizadores que solo valen pa dir orellando cada vez más la perrica diversidá de la que formamos parte.

¡Oficialidá yá!    
¡Oficialidá xa!                            

26 setiembre 2019

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344