SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
Güei xueves tuvo mui cerca producise una desgracia nel CP Rey Pelayo de Xixón. El suelu del aula de 3 años diose primero de qu’entamara escuela, lo qu’evitó una calamidá ente’l profesoráu y los escolinos. A esta hora la escuela ta catalogada polos responsables como inaccesible por cuenta los problemes estructurales que carez.
El centru ta nuna situación llamentable. Cualquiera puede ver les grietes nel edificio y el patiu ta protexíu por una rede pa evitar desprendimientos.
La situación yera conocida polos organismos pertinentes, a primeros del añu pasáu l’equipu técnicu del ayuntamientu responsable del mantenimientu de los centros educativos foi a la escuela pa ver cómo taba. Dixeron que tomaben nota, pero poco se fexo, porque’l centru sigue como taba, ye dicir, tien munchos problemes.
A SUATEA nun nos val conque los responsables pertinentes se presenten güei y se llamenten. Hai qu’actuar con contundencia y desixir responsabilidaes, porque culpables hailos, y l’alministración ha garantir la conservación y el mantenimientu de les infraestructures de la escuela pública asturiana. Tres ello hai un interés políticu en sobencionar la escuela concertada mentres se quiten recursos y s’abandona la pública de parte del Principáu y el conceyu de Xixón.
Tá ye más llamentable qu’esta situación, la del esbarrumbe d’un centru d’enseñanza pública, se dea siendo alcaldesa del conceyu alguién que primero foi conseyera d’Educación del Principáu. Yera d’esperar más procuru col ambitu onde desenvolvió tola so carrera profesional.
Uviéu, 12 de xineru de 2023
Esta entrada está disponible en: Castellano (Castellanu)
