Home > Profesoráu > Convocatoria d’oposiciones, otra oportunidá perdida

Convocatoria d’oposiciones, otra oportunidá perdida

SUATEA DENUNCIA LA PRECIPITACIÓN Y LA FALTA DE VOLUNTÁ NEGOCIADORA NES BASES DE LA CONVOCATORIA D’OPOSICIONES

Güei publicóse n’Educastur la convocatoria d’oposiciones de 2019 (mañana en BOPA). Tres una única xunta de l’Alministración coles Organizaciones Sindicales de la Xunta de Personal Docente celebrada’l pasáu martes 12 de febreru, publiquen una convocatoria que, una vez más, reproduz la mayoría de los desaciertos y problemes de les convocatories d’años anteriores. A pesar de qu’en dicha xunta percibimos un meyor talante y disposición a dialogar y a introducir meyores, la realidá ye que L’Alministración, escudándose na urxencia y la falta de tiempu pa encetar cambeos, aceptó escases propuestes y nun entró nes propuestes de caláu. Poro, la convocatoria ye más de lo mesmo y nun entra a correxir los aspeutos más revesosos, esto ye  otra oportunidá perdida.

Per parte de SUATEA, presentáronse ventidós propuestes de meyora, de les que s’aceptaron les siguientes:

La dispensa pa formar parte de los tribunales a quien tengan fíos/es menores d’un añu. Ye un llogru, anque insuficiente porque nós propunximos amplialo a quien tengan fíos/es menores de 3 años o persones dependientes al so cargu).

– Que los criterios de calificación y evaluación de les pruebes se publiquen nun tiempu non inferior a cinco díes (pidiéramos siete díes).

– Que les unidaes didáutiques incluyíes na programación seyan un mínimu de 10 para toles especialidaes y aclaren aspeutos técnicos de los marxes, númberos de páxines.

Incluyir como anexu na mesma convocatoria les característiques básiques de la prueba de conteníu prácticu.

Valoración de los títulos de Grau nel baremu.

Sicasí, nun tuvieron en cuenta otres propuestes que resulten bien gravosas pa los y les opositores d’Asturies y qu’ameyoraríen aspeutos rellacionaos cola execución y la tresparencia de los procesos selectivos, amás de derechos de los miembros de los tribunales y de seguridá de los y les opositores. Ente otres, destacaríamos les siguientes:

Los procesos selectivos tienen d’empezar con un actu de presentación nel que se dean instrucciones sobre’l procesu.

– Otra vez más y a pesar de los problemes xeneraos n’años anteriores, inclúin como única causa de xustificación pa nun presentase a les oposiciones la hospitalización por motivos d’embaranzu y/o partu. Pidimos que se consideren otres causes de fuerza mayor. Diéronse casos de xente que tuvo que presentase a les oposiciones dando a lluz dos díes enantes, o tando con tratamientu de quimioterapia o finando un familiar de primer grau, etc. El problema ye que ye obligatorio presentase a les oposiciones pa tar en llistes d’interinidá y cualquier circunstancia adversa que torgue a daquién presentase a les oposiciones supón directamente la perda del empléu.

– En relación cola prueba práctica, nun almiten qu’haya siquier dos opciones pa escoyer una, como se fai na mayoría de CCAA.

– La inclusión d’una ponderación bien desaxustada na valoración de la programación didáctica (35%) y les unidaes didáctiques (65%).

Garantizar l’anonimatu de les persones aspirantes: Consideramos que garantizar l’anonimatu de los y les opositores con un sistema de pliques na primer prueba facilita que les persones aspirantes vaigan n’igualdá de condiciones, máxime nuna Comunidá como Asturies na que ye fácil que dellos aspirantes y miembros de los tribunales puean conocese. El mesmu RD d’accesu lo contempla y la mayoría de CCAA garanticen l’anonimatu.

–  Plazu de reclamación a les puntuaciones de la primer prueba: n’Asturies namás cabe la revisión de les distintes pruebes a lo cabero de los procesos selectivos. Proponemos que puea reclamase acabante la primer prueba, pos ye eliminatoria y quien nun la supere queda elimináu.

Preservar el derechu a la intimidá y privacidá de los aspirantes: Proponemos que s’estableza un sistema de claves personales p’aportar a datos, baremu y notes de tolos candidatos de la so especialidá. Defendemos la tresparencia pero nun queremos información per Internet que someta a les persones opositores escarniu públicu, como asocedió n’otres ocasiones.

Uviéu, 15 de febreru de 2019

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778