Home > Comunicaos > Contra la mutilación xenital femenina

Contra la mutilación xenital femenina

EndFGM_Logo_Spanish

6 DE FEBRERU. DÍA INTERNACIONAL CONTRA LA MUTILACIÓN XENITAL FEMENINA.

La mutilación sexual femenina (MGF) comprende tolos procedimientos que, de forma intencional y por motivos non médicos, alterien o mutilen los órganos sexuales femeninos. Más de 125 millones de muyeres y neñes vives anguaño  fueron víctimes de la MGF y cada añu unos tres millones de neñes más cuerren el peligru de sufrila.

La MGF constitúi una de les peores violaciones esistentes contra los derechos de les muyeres y de les neñes: atenten contra la so integridá física, contra’l so derechu a la salú, a la seguridá, a nun ser sometíes a tortura y tamién al derechu a la vida en munchos casos.

Nos últimos años rexistráronse dellos avances na batalla contra la MGF, como la implicación nella de los organismos internacionales (UNICEF, OMS, ONU…) y la so prohibición en muchos países. Queremos destacar la llucha pol so desaniciu de munches muyeres con un trabayu constante nes sos comunidades al traviés de proyectos d’’nformación, formación, introducción de rituales alternativos d’aniciu a la edá adulta, etc.  Cabe destacar que gracies a les campañes d’información, axuntárose a esti refugu, muyeres que realicen el ritu nes distintes tribus, fechu que facilita l’aceptación del so desaniciu. Pero tamién hai que destacar un datu preocupante: la “medicalización” de la MGF, ye dicir, la so práctica a cargu de profesionales de la salú n’entornos hospitalarios. Estes intervenciones suponen yá’l 18% del total y al minimizar les posibles complicaciones pueden facer que la MGF sea más aceptable socialmente.

La Secretaría de la Muyer de SUATEA y la Organización de Muyeres de la Confederación Intersindical llucha contra tou tipu de discriminación y agresión contra las muyeres y na defensa de los sos derechos y por eso güei, 6 de febreru, Día Internacional contra la mutilación xenital femenina, quier xunise a toles voces que reivindiquen la so abolición total.

Esta entrada tamién se puede consultar en: Castellanu