Home > Comunicaos > Contra la mutilación xenital femenina

Contra la mutilación xenital femenina

“El feminismu qu’aboga puramente por y pa les privilexaes nun ye feminismu”

Raquel Rosario Sánchez

Un añu más conmemoramos el Día Internacional de Tolerancia Cero cola Mutilación Xenital Femenina, y un añu más millones de neñes sufrieron una de les peores violencies que s’exerce contra les muyeres. Neñes que van dende la lactancia hasta l’adolescencia , a les que se -yos capa’l clítoris, los llabios menor y mayor, estréchase-yos l’abertura vaxinal, rállase o cauterízase-yos la zona xenital, etc.

La OMS calcula qu’unos 200 millones de neñes y muyeres vives fueron víctimes d’esta violencia. Cada añu, trés millones más s’atopen en situación de riesgu de sufrila.

La xeografía del horror arrámase per África, Oriente Mediu y Asia, pero tamién per aquellos países a los que migraron poblaciones que practiquen la mutilación xenita femenina (MXF). Calcúlase que n’Europa hai unes 500.000 muyeres que sufrieron la MXF, y que cada añu unes 180.000 tán en riegu de sufrila. Sicasí, namá esisten lleis específiques na so contra en Suecia y Gran Bretaña. Nel Estáu Español, namá en dellos territorios esisten programes de prevención y detección de riesgu para les neñes que les sos families vienen d’eses sociedaes.

La MXF nun tien nenguna xustificación médica, nin tampoco relixosa. Practicar n’ámbitos cristianos, musulmanes y animistes. Les presuntes razones qu’amparen esta “tradición” van dende la necesidá de l’aceptación social, de nun ser distinta, hasta forzar a la muyer a tener una conducta sexual “aceptable”: virxe hasta’l matrimoniu, fiel dempués d’él. La MXF ye una forma estrema de violencia qu’exerce la sociedá patriarcal para someter a les muyeres. Muyeres que, nun lo escaezamos, sufren tola so vida les consecuencies físiques y psíquiques de la mutilación.

La Organización de Muyeres de la Confederación Intersindical llucha contra toles formes de violencia y discriminación contra les muyeres y por eso güei, 6 de febreru, Día Internacional pola Tolerancia Cero cola MXF, quier xunise a toles voces que reivindiquen la so abolición total

 

6 de febreru de 2018

Organización de Muyeres de la Confederación Intersindical

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743