Home > Condiciones llaborales > Conseyu Escolar d’Asturies: II Plan d’Evaluación Docente

Conseyu Escolar d’Asturies: II Plan d’Evaluación Docente

Ayeri día 18 de marzu celebróse un Plenu del Conseyu Escolar d’Asturies (CEPA). Nel orde del día aprobar el dictame sobre la propuesta de II Plan d’Evaluación Docente.
SUATEA propunxo presentar un dictame alternativu al dictame favoratible al II Plan d’Evaluación Docente propuestu pola Permanente al Plenu del CEPA. Na nuestra proposición pidióse sustituir el II Plan d’Evaluación pola “homologación del sueldu del profesoráu asturiano al del del restu l’Estáu al traviés d’un aumentu llinial y igual del sueldu del profesoráu de tolos cuerpos docentes, nel conceptu salarial de Complementu Específicu Autonómicu, siendo menester pa ello destinar tolos fondos presupuestarios de los planes d’evaluación incrementándolos na cantidá necesaria p’algamar esti oxetivu anicial d’homologación. En siguientes etapes proponemos acabar cola diferencia salarial ente los cuerpos docentes al traviés de la so integración nun únicu Cuerpu d’Enseñantes”.
La nuestra alternativa nun se sometió a votación por estimar el Presidente que’l conteníu nun guardaba relación nenguna cola propuesta anicial de dictame y por carecer de dellos preceptos formales. Actu siguíu pasóse a votar la propuesta orixinal col resultáu de 19 votos a favor, 1 en contra y 8 astenciones.
El nuestru dictame alternativu como constará nel acta del CEPA pues consultalu EQUÍ.

El Secretariáu de SUATEA
Uviéu 19 de marzu de 2021

Esta entrada también está disponible en: Castellanu