Concursu pa dirección de centros y equipos d’orientación de’Asturies.

Ayeri pela mañana, la Conseyería Educación aconceyó coles centrales sindicales con representación na Xunta de Personal Docente non universitario, pa presentar el borrador de convocatoria 2023 de concursu de méritos ente’l personal funcionario de carrera, pa esbillar a les personas que s’encargarán de la dirección de los centros públicos y equipos d’orientación d’Asturies.

Les propuestes de SUATEA de meyora d’esti documentu fueron les que vienen darréu:

• Inclusión de conteníos de coeducación nel cursu específicu de formación pa la dirección de centros y equipos d’orientación.
  
• Valorar la formación en llingua asturiana y gallego-asturianu de les persones candidates.
  
• Esaniciar del baremu de méritos los 1,5 puntos que se dan pola valoración positiva de la práctica docente por venir de la “Ley de evaluación docente y sus incentivos” na que solo se contemplen efectos económicos y non alministrativos.
  

N’Uviéu a 24 febreru de 2023