Home > Profesoráu > Conceyu xuba salarial

Conceyu xuba salarial

Conceyu SUATEA- CCOO cola Conseyera d’Educación sobre xuba salarial

El sindicatu d’Enseñanza SUATEA aconceyó güei, 23 d’avientu de 2019, cola Conseyera d’Educación pa tresllada-y la necesidá imperiosa d’homologación salarial col restu del profesoráu del Estáu, como mediu pa superar el maltratu económicu al que nos vienen sometiendo desque tenemos les competencies n’Educación. Pa ello sedría necesariu un importante emburrie presupuestariu qu’anguaño nun se tien en cuenta nel borrador de presupuestos pal añu que vien.

Desque se tresfirieron les competencies en materia educativo, nos distintos territorios crearon un complementu autonómicu nes sos retribuciones. Nel casu de la nuesa comunidá siguió un camín distintu que xeneró una situación peculiar en comparanza coles otres autonomíes que da como resultáu una discriminación que manca gravemente los intereses del profesoráu asturiano.

La resultancia ye que, anguaño, faciendo una comparativa colo que se cobra n’otres comunidaes, con cinco años d’esperiencia, el profesoráu de Secundaria ocupa’l postreru puestu de la tabla y nel Cuerpu de Maestros/as el terceru empezando pembaxo.

Tanto nesti conceyu específicu pa tratar sobro homologación salarial, como na primera que tuviemos nel mes d’ochobre sobro asuntos educativos xenéricos, plantegámos-y la necesidá de la creación d’un complementu autonómicu (incluyíu dientro del específicu), asemeyáu al esistente nel restu del Estáu p’acabar con esta situación claramente discriminatoria. Esti complementu consistiría nuna xuba salarial llinial igual pa tolos cuerpos docentes non universitarios, ensin necesidá d’atropar antigüedá llaboral nin condicionante dalgunu. La irregular situación xenerada n’Asturies pol sistema d’incentivar la evaluación docente tien de sumir y reconvertise nuna partida presupuestaria nueva p’acabar cola discriminación salarial del profesoráu asturiano.

Llamentablemente, la Conseyera comunicónos que nun va haber nenguna partida presupuestaria dedicada pa faer frente a les reivindicaciones que-y acabamos de plantegar. Esto quier dicir que la situación actual que carecemos va enllargase otru añu más, demostrando a les clares la inesistente voluntá política d’acabar col maltratu y discriminación salarial del personal docente asturiano.

El Secretariáu de Suatea

N’Uviéu a 23 d’avientu de 2019

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344