Home > Centros educativos > Conceyu cola Conseyería 1/4/2020

Conceyu cola Conseyería 1/4/2020

SUATEA INFORMA

Conceyu cola Conseyería 1/4/2020

Hoi pela mañana, 1 abril de 2020, celebróse una XUNTA por videoconferencia ente la Conseyería (Conseyera, Direcciones Xenerales ya Inspección) y les Organizaciones Sindicales de la Xunta de Personal Docente.

Ente otros, tratáronse los siguientes asuntos:

1. OPOSICIONES: La Conseyera informó de que la mayoría de les CCAA, incluyida Asturies, apostaron por convocar oposiciones al Cuerpu de Secundaria en 2021 y Cuerpu de maestros en 2022, sacantes País Vascu, Cataluña, Galicia y Madrid, qu’inda nun tomaron decisión. Dende SUATEA, sofitamos que se pospogan a 2021 y 2022 porque consideramos importante qu’haya coordinación ente les distintes CCAA.

Tamién esplicó qu’había alcuerdu de les CCAA y el Ministeriu pa prorrogar el sistema d’accesu a la función pública docente en vigor dende 2018. Dende SUATEA, refartámos-y qu’esta prórroga ye la oportunidá pa esixir al Ministeriu que les pruebes de los procesos selectivos nun sían eliminatories. El Gobiernu asturianu anterior asina lo defendió nel so momentu y la mayoría sindical de la Mesa sectorial del MEC (Tolos sindicatos sacante ANPE).

2. XUNTA COLOS COMITÉS DE DIRECCIONES DE CENTROS:

Informa de los asuntos trataos colos Comités, que pueden consultase n’Educastur:

.Educación Infantil y Primaria:

https://www.educastur.es/documents/10531/5364405/2020-03+comite+direccion+inf_prim.pdf/4987ed16-5768-43be-9bf0-ce89e58c8bf2

.Educación Secundaria:

https://www.educastur.es/documents/10531/5364405/2020-03+comite+direccion+secundaria.pdf/d0daaaf7-e8ba-4b13-be61-419cc6dce8ad

3. INFORMACIÓN SOBRO LES DECISIONES ADOPTAES:

Plan de trabayu de cada centru pal tercer trimestre qu’incluya: coordinación docente, criterios pa xeres alumnáu, criterios y procedimientos d’evaluación del alumnáu, calces d’información a les families. La Conseyería va publicar instrucciones concretes con orientaciones pa la ellaboración del citáu Plan de Trabayu del centru.

Mientres el tercer trimestre nun se va avanzar en conteníos y va trabayase fundamentalmente aspeutos rellacionaos coles competencies clave. Pa la evaluación final, tendráse en cuenta tolo trabayao a lo llargo del cursu amás de les xeres que se realicen d’equí p’arriba, ensin qu’ello suponga avanzar materia y con especial atención al alumnáu NEE.

Tocantes a la fienda dixital del alumnáu, va recoyese la información sobro families que nun disponen de recursos tecnolóxicos al traviés de los centros y podrá establecese un sistema d’ empréstitu d’equipos informáticos. Dellos centros yá empecipiaron el préstamu, anque quieren faelo de manera coordinada. El Ministeriu dio 258 llicencies de datos p’alumnáu asturiano de 2u de bachilleratu y de FP. Los Conceyos d’Uviéu y Xixón van collaborar pa dar conectividá al alumnáu y tán probando en centros pilotu. El de Xixón va collaborar tamién nel repartu d’equipos informáticos emprestaos Van contactar tamién con otros Conceyos pa pidir collaboración.

Dende SUATEA esiximos instrucciones clares y precises y defendimos que la evaluación final nun se realice porque’l contestu nun lo dexa y l’alumnáu va llegar en desigualdá de condiciones. Tamién emponderemos el trabayu y l’importante esfuerzu que ta realizando’l profesoráu nesta coxuntura sobrevenida. La conseyera valorólo y reconociólo en delles ocasiones.

4. EBAU

El modelu de prueba va ser igual que l’actual pero va haber mayor opcionalidá en cada materia pa compensar que nun se completaron los conteníos.

Dende SUATEA, aportunamos nes torgues que pueden surdir pal alumnáu porque les programaciones son distintes en cada centru y, poro, la secuenciación y temporalización de los conteníos a lo llargo del cursu estrémense.

5. FORMACIÓN D’ALUMNÁU DE FP EN CENTROS DE TRABAYU

Aseguren que se va garantizar que nengún estudiante pierda’l cursu por esta situación y que puedan pasar de cursu o titular con normalidá. Va flexibilizase la realización del módulu en centros de trabayu (FCT). Tase a la espera del desenvolvimientu normativu que tien de realizar el Ministeriu.

6. PROFESORÁU FUNCIONARIU EN PRÁCTIQUES

Facilitárase que puedan unviar y completar la so fase de práctiques. Hai que tener en cuenta que, con calter ordinariu, acababen a últimos de marzu. Enantes de Selmana Santa van publicase calendariu ya instrucciones .

7. ALUMNÁU ACNEAE, NEE

Tol profesoráu especialista va coordinase p’asesorar al profesoráu. Dende’l Serviciu de Equidaá tán en contactu pa conocer les dificultaes nos colectivos más vulnerables.

Dende SUATEA, demandamos especial atención a esti alumnáu y tresmitimos les quexes que nos llegaron de parte de profesoráu especialista de PT, AL y Servicios a la Comunidá. Esti alumnáu tien baxu nivel d’autonomía y nun tienen desenvuelta la competencia dixital como pa esixi-yos un saltu tan grande.

8. SUSTITUCIONES Y PERMISOS

Nesti momentu nun hai convocatories selmanales pa sustituyir al profesoráu que ta de baxa, que se xubila, etc. Escúdense en qu’asocede lo mesmo en munches CCAA y que nun lo pueden faer porque’l sistema de sustituciones rique presencia del serviciu de plantiyes y el personal de la Conseyería ta teletrabayando dende les sos cases.

Tocantes a permisos, avisen de nueves instrucciones del procedimientu de xestión de llicencies y permisos.

Dende SUATEA, refugamos los motivos qu’aducen. La conseyería tien que poner soluciones y empezar les convocatories de sustituciones de forma inmediata.

9. BAXES POR ENFERMEDÁ

Dende SUATEA esixímos-yos esplicaciones por aquelles persones que tán de baxa y nun pueden llograr los partes de baxa del Serviciu de Salú p’apurrilos al centru y a la Conseyería.

Respondiéronnos que güei mesmo se recibieron instrucciones pa que les persones trabayadores nun tengan qu’allegar a los centros de salú, que los partes de confirmación y continuidá de baxa van ser unviaos dende Salú a l’Alministración educativa. Les baxes nueves tien de dales el centru de salú.

10. SELECCIÓN DE DIRECCIONES DE CENTROS

Dada la coxuntura, nun podrán realizase elecciones a direcciones de los centros educativos. Embaráxense dos opciones:

  • Prorrogar a quien tán na actualidá.
  • Cuando nun puedan prorrogar, nomamientos estraordinarios.

11. EVALUACIÓN DOCENTE

La evaluación de la función docente nun va ser en mayu y va aplazase pa xunu, setiembre o ochobre.

12. EMISIÓN DE CONTENÍOS EDUCATIVOS NA TPA

Mientres les vacaciones de Selmana Santa, van emitise conteníos educativos realizaos por docentes que sían d’utilidá.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344