Esta entrada está disponible en: Castellano (Castellanu)
SUATEA CONVOCA CONCENTRACIÓN ÉNTE LA XUNTA XENERAL PA ESIXIR UN NUEVU ALCUERDU D’INTERINOS, EL CESE DE LOS RETAYOS Y LA TRESPARENCIA NES OPOSICIONES
EL MARTES 19 VA AXUNTASE LA COMISIÓN D’EDUCACIÓN ONDE SE VAN TRATAR LOS CONFLICTOS EDUCATIVOS
Dende va meses viniéronse convocando movilizaciones en forma d’asamblees nos centros, concentraciones y manifestaciones na cai o entevistes colos grupos parlamentarios que llevaron a l’aprobación pola Xunta Xeneral d’una proposición non de llei qu’encamienta al Gobiernu asturianu a abrir la negociación d’un nuevu alcuerdu d’interinos qu’acabe cola discriminación d’esti colectivu.
L’Alcuerdu actual pol que se regulen les condiciones de trabayu y el sistema d’ellaboración, xestión y funcionamientu de les llistes d’interinidá venceya directamente la nota llograda nes oposiciones con eses llistes, que son refeches y rebaremaes dempués de cada oposición, lo que supón que’l profesoráu interino asturiano sufre la rotación permanente nel empléu y l’ausencia d’estabilidá, daqué que nun asocede en territorios de la nuesa redolada, onde les llistes nun son rebaremaes y el profesoráu interino gocia de della estabilidá.
Na asamblea celebrada’l 8 d’abril alcordóse la convocatoria d’una nueva Concentración pa esixir l’apertura de la negociación d’un Alcuerdu de profesoráu interino que s’avere a la forma de xestión de llistes y la estabilidá d’otros territorios (Galicia, Cantabria, Euskadi, Andalucía, País Valencianu, etc.). Esta concentración va tener llugar el martes 19 d’abril a les 5:30 de la tarde, yá que nesi momentu va celebrase nel Parlamentu Asturianu una Comisión d’Educación na que se van tratar los conflictos educativos que se dan n’Asturies. Ye’l momentu entós de volver esixir que cese’l tratu discriminatoriu escontra’l profesoráu asturiano per parte de la Conseyería d’Educación.
Ente estes discriminaciones ta’l tratu degradante qu’esta Conseyería da al profesoráu que quier presentase a oposiciones: a parte del profesoráu técnicu de FP al que se pretende torgar qu’apuerte al procedimientu selectivu, la falta de claridá nes normes sobre cursos de formación, la nula receptividá ante les propuestes pa garantizar l’anonimatu y la tresparencia nel procesu d’oposiciones…
Cuidao que se van tratar nesa Comisión d’Educación asuntos qu’afecten a otros ámbitos educativos en conflictu (itinerantes, centros que pretenden cerrase o fundir….) faémos-yos un llamamientu a participar en dicha concentración.
Reseñes de Prensa tres la concentración:
19/04/2016- Asturias24 /Pitada a la política de Educación
SECRETARIÁU D’ASTURIES DE SUATEA
UVIÉU, 14 D’ABRIL DE 2016
Esta entrada está disponible en: Castellano (Castellanu)