Logo 2021

Comunicáu en rellación a les propuestes pal estatutu docente

Esta entrada está disponible en: Castellano (Castellanu)

Na mañana del xueves, día 27 de xineru, en xunta celebrada en Madrid, de la Mesa Sectorial d’Enseñanza, el Ministeriu d’Educación presentó un ampliu documentu de más de trenta páxines, calificáu como la base para un nuevu Estatutu de la Función Docente.

Tratse d’una llarga xunta, de más de dos hores, na que’l Ministeriu esbilló énte la representación de les organizaciones sindicales un documentu de trabayu col que pretende sentar les bases pa empezar la negociación. El citáu documentu recueye numberosos aspeutos qu’afecten al trabayu docente, tando ente los más importantes aquellos separtaos referíos a la Formación Inicial, Formación Permanente, Accesu al oficiu docente, el Desenvolvimientu Profesional Docente y otros apartaos.

Dende la confederación de STEs, onde ta incorporáu SUATEA, comprometimonos a a estudiar les propuestes presentaes. Teniendo en cuenta los aspeutos xenerales presentaos a lo llargo de la xunta y ensin tener tiempu p’analizar el documentu y estudiar el caláu de cada propuesta, consideramos un puntu de partida interesante lo avanzao cola formación inicial y permanente, elementos que consideramos como fundamentales pa la meyora del llabor docente. Lo mesmo podemos dicir del fechu de que se considere necesario la inclusión d’asignatures didáctiques p’aportar a la docencia. Tolo rellacionao col MIR educativu quedó nel aire.

Per otru llau, xenéranos molición el desenvolvimientu de la Llei de Formación Profesional nel apartáu referíu a la fase de práctiques centrada na formación DUAL. Dende los STEs siempre tuvimos en contra de la FP DUAL y podemos avanzar que si lo van a plantegar na llínea anunciada hasta agora, va ser difícil llegar a alcuerdos.
Otru tema que se presenta nesti documentu ye la forma d’accesu al oficiu docente, nun fala en nengún casu de cómo va ser esi accesu. Dende STEs tamos  en contra dafechu de pruebes eliminatories.

D’últimes quixéramos resaltar que nuna xunta dedicada a la Función docente y na que s’aspira a regular la mesma, echamos en falta aspeutos que consideramos imprescindibles. Cualquier cambéu tien de tar dirixíu a ameyorar les condiciones llaborales del profesoráu y, ente les múltiples propuestes, nun vimos nenguna referida a elementos centrales como les ratios d’alumnáu per aula, cambéu de les hores lectives d’atención directa n’aula per parte del profesoráu, amenorgamientu de los llabores burocráticos qu’afueguen la xera nos centros. Tampoco escuchamos nenguna propuesta que plantegara fórmules pa facer recular los retayos que l’ámbitu de la Educación carez dende más d’una década. Les bones intenciones pueden presuponese, pero solo van llegar a convertise en realidaes si van acompañaes del esfuerzu económicu necesariu, más teniendo en cuenta l’impactu añedíu que ta suponiendo los efectos de la pandemia nel nuesu sector

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757