Home > Comunicaos > Comunicáu alrodiu de la nueva propuesta d’ellaboración de llistes d’interinidá

Comunicáu alrodiu de la nueva propuesta d’ellaboración de llistes d’interinidá

SUATEA DESIXE UNA MEYORA SUSTANCIAL DE LA PROPUESTA D’ALCUERDU SOBRE LA ELLABORACIÓN DE LA LLISTA DEL PROFESORÁU INTERÍN
CONVOCA ASAMBLEA DEL PROF. INTERÍN ESTI LLUNES NEL IES ARAMO A LES 6:30 DE LA TARDE
La Conseyería de Educación retiró dalguna de les propuestes más aberrantes qu’había nos dos primeros borradores d’Alcuerdu. Depués de les movilizaciones feches pol profesoráu interín desixendo estabilidá, l’Alministración propunxo modificaciones al segundu borrador que meten dellos avances respecto a los anteriores, pero que tovía tán lloñe de les desixencies de SUATEA.
Ente les modificaciones tán la retirada de la imposición d’una nota de corte pa poder sumar la puntuación sacada nel procesu selectivu o la posibilidá d’aportar notes de los procedimientos selectivos fechos nel llamáu periodu transitoriu.Nel borrador de propuesta presentáu güei, nun se desixe nota nenguna de corte para quien tean nes llistes d’Asturies anguaño y permitiráse aportar namás les notes de los dos últimos procedimientos selectivos. La propuesta de SUATEA yera y ye que puedan aportar la nota de cualesquier procesu selectivu al que la persona se presentara.
Sí apaecería nel alcuerdu la continuidá del pagu del branu a quien trabaye per más de cinco meses y mediu.
Agora bien, l’Alministración sigue faciendo una propuesta que, dende’l nuestru puntu de vista, nun apurre pesu abondu a la esperiencia docente en centros públicos: pretenden equiparar la ponderación de la esperiencia docente y les notes sacaes na oposición (40% en caúna).
Respecto a otres propuestes de SUATEA, l’Alministración nun garró la de la desvinculación ente la permanencia en llistes y la obligación de presentase a les oposiciones.
Polo tanto, anque reconozamos dellos avances dende SUATEA perafitámonos na nuestra desixencia de meyora sustancial de la propuesta entregada pola Alministración y encamentámos-y a la Consejería que considere les nuestres propuestas yá que’l profesoráu interín nun ye responsable de que nun se convocaren oposiciones (en delles especialidaes, alredol de 20 años) o de que la ufierta de places convocaes n’otres especialidaes fuera mui ruina.
Pa tratar sobre estes propuestes, SUATEA convoca al profesoráu interín a una asamblea que va facese nel IES ARAMO d’Uviéu esti llunes a les 6 y media de la tarde.

Esta entrada tamién se puede consultar en: Castellanu