Comunicao Ufierta d’Emplegu Públicu

Esta entrada está disponible en: Castellano (Castellanu)

La gran mentira de les oosiciones: MÁS ROTACIÓN, MENOS ESTABILIDÁ

Na xunta celebrada esta mañana, la Conseyería d’Educación anunció a los distintos sindicatos la so intención de sacar a oposición 39 places partíes ente distintes especialidaes de formación profesional y secundaria qu’imparten namá docencia en ciclos formativos.
Según l’Alministración, munches d’estes especialidaes nun fueron ufiertaes nunca desque Asturies recibió les competencies nel añu 2000. L’Alministración, ensin cerrar la ufierta, partiría en principiu les 39 places ente siguientes especialidaes:

SECUNDARIA

0590 – 103 : Asesoría y Procesos d’Imaxe Personal
0590 – 106 : Hostelería y Turismu
0590 – 111 : Organización y Caltenimientu de Vehículos
0590 – 116 : Procesos na industria Alimentaria
0590 – 119 : Procesos y Medios de Comunicación

FORMACIÓN PROFESIONAL

0591 – 201 : Cocina y Pastelería
0591 – 203 : Estética
0591 – 208 : Llaboratoriu
0591 – 209 : Caltenimientu de Vehículos
0591 – 219 : Procedimientu de Diagnósticu Clínicu y Ortoprotésico
0591 – 220 : Procedimientos sanitarios y Asistenciales
0591 – 226 : Servicios a la Comunidá
0591 – 229 : Técniques y procedimientos d’imaxe y soníu

Manifestamos una vegada más que la ufierta de 39 places nun cubren nin una mínima parte de les necesidaes reales esistentes nos centros educativos y pidimos una tasa de reposición del 100%. Tamién sollertamos, de nuevu, del efectu llamada que puede tener esta ufierta teniendo en cuenta qu’Asturies ye la única comunidá que nun blinda, de nenguna forma, les llistes de cara a opositores d’otres comunidaes. Añedir amás, los vaivenes d’esta Conseyería, añu tres d’añu, teniendo al profesoráu interín na más absoluta incertidume.

Esta ufierta d’empléu públicu escuende la intención de l’Alministración de modificar l’ALCUERDU D’INTERINOS permediando más la esperiencia y la formación según adelantraron güei. Recordamos que n’Asturies les llistes confórmense col siguiente criteriu: esperiencia 50%, el 35% la nota d’oposición, 10% la formación y 15% otros méritos.

Nesti sentíu, les intenciones de l’Alministración son clares; tres distintes sentencies xudiciales ganaes poles organizaciones sindicales qu’otorguen al profesoráu interín los mesmos derechos retributivos en cuestiones d’antigüedá qu’a los funcionarios de carrera, l’Alministración va intentar esaniciar del sistema educativu aquellos interinos más caros, ¿Cómo?, quitando pesu a la esperiencia a la d’iguar les llistes d’interinos. Por toos ye bien sabíu que la Conseyería d’Educación ye esperta en sortear sentencies xudiciales.

SUATEA va lluchar porque de tocase l’alcuerdu d’interinos, sía puramente pa blindar les llistes, esaniciando l’efectu llamada y favoreciendo asina la estabilidá del profesoráu interín.

Print Friendly, PDF & Email

Esta entrada está disponible en: Castellano (Castellanu)