Home > Comunicaos > Comienzu de cursu en Secundaria: más retayos y peores condiciones llaborales

Comienzu de cursu en Secundaria: más retayos y peores condiciones llaborales

SUATEA LLAMA A LA MOVILIZACIÓN

Empieza’l cursu na Educación Secundaria y vemos cómo los problemes caltiénense por causa de los retayos. Empecipien les actividaes llectives esti miércoles y la reducción del profesoráu ye’l datu que más incide nes condiciones nes que s’atopen los centros.

De resultes de la xuba del horariu llectivu y la reducción de la plantiya, sobrecárgase a aquellos que tienen xornada completa y aumenten les medies xornaes que constitúin yá lexón nos institutos asturianos. Dellos centros tienen hasta 10 docentes nesta situación lo qu’estorba hasta la desesperación la ellaboración de los horarios. La estratexa de cuntar con estos contratos sirve pa que l’alministración escuenda la perda de 2 o 3 puestos de trabayu de media per centru, pero ye indiscutible qu’estes cifres repercuten irremediablemente na atención educativa. N’especialidaes como Filosofía llega al 90% de medies xornaes, en Cultura Clásica’l 53%, en Física y Química’l 37%, y asina podríamos siguir numberando munches más. Nun podemos escaecer qu’esto produzse nun contestu nel que la plantiya definitiva va menguando añu a añu coles mesmes qu’aumenta la inestabilidá llegando a porcentaxes d’interinidá del 24% que provoquen la rotación añal de la inmensa mayoría del profesoráu en dellos centros asturianos. Los númberos nun son solo númberos, tienen detrás alumnáu y responsabilidaes sociales nun ámbitu tan trascendente como ye l’educativu y por ello nun podemos compartir nin entender el preste de la Conseyera d’Educación vendiendo la supuesta normalidá al entamu d’esti cursu.

Amás, los docentes interinos con vacante vieron modificada la duración del so contratu y esto ta xenerando molición p’aquellos que nun tienen garantizada la continuidá’l próximu cursu. Queden nel aire dellos aspeutos como la prestación por desempléu, la realización de los exames de setiembre o la puntuación por puestos de mal desempeñu. Ello sumao a que por causa de la tardía axudicación que se dio esti cursu, llegaron a los centros col repartu horariu zarráu perxudicando los derechos de munchos.

Les estorbises d’esti cursu por causa de la entrada a valir de la LOMCE en Primaria, anuncien yá –si nun lo remediamos primero- les que vamos vivir el siguiente cola implantación de los nuevos currículos de Secundaria y Bachilleratu. Entá asina, elementos más negativos d’esta llei como la falta de democracia interna nos centros, el papel reserváu a les nueves direcciones, la especialización curricular o les reválides con efectos nos xornales y nes condiciones llaborales de los docentes pueden convertise nuna amenaza a sumar pal llabor del profesoráu.

El gobiernu de Rajoy va aprovechar/utillizar la LOMCE como preséu pa llograr l’amenorgamientu al 3,9% el PIB destináu a la educación. Ye lo comprometío énte los ministros de Finances de la Unión Europea y va facelo sometiendo al docente a un empeoramientu llaboral. El compromisu énte l’ECOFIN supón ente otres midíes d’axuste la reducción del gastu públicu educativu. Nel añu 2009 averárase al 5,1%, nel 2012 baxara al 4,7% y nel 2013 taba en redol al 4,3%. La baxada que queda va ser la protagonista nos próximos cursos, con retayos que nun van venir de midíes tibies, sinón con un nuevu ataque fronteru a la enseñanza pública y a los sos trabayadores.

El Ministeriu d‘Hacienda baraxó pa llograr esi oxetivu una riestra de midíes como: ampliación del horariu llectivu del profesoráu y de la so xornada llaboral, l’aumentu nun 10% del númberu d’alumnos y alumnes per aula, el cese del profesoráu interín pel branu, l’amenorgamientu salarial añal no equivalente a una paga estraordinaria…  Too ello con un ministru que nun tien el menor escupuliciu n’anunciar como ésitu un aumentu d’estudiantes becaos, faciendo demagoxa nos medios de comunicación y ocultando una reducción en 75 millones pa esti cursu. En dos años la baxada en conceutu de cuantíes dedicaes a ayudes y beques yá algama los 201 millones. Déxanoslo bien claro, nun hai tregua pa la Educación. Dende SUATEA nun vamos quedar mirando, vamos emplegar toles nueses fuerces pa torgar la continuidá d’estos ataques. La llamada a la movilización en defensa de la Enseñanza Pública yá constitúi una necesidá inaplazable.

 

Uviéu, 16 de setiembre de 2014

VER EN PDF: 140916 Inicio curso Secundaria

 

SUATEA LLAMA A LA MOVILIZACIÓN

 

 

Empieza’l cursu na Educación Secundaria y vemos cómo los problemes caltiénense por causa de los retayos. Empecipien les actividaes llectives esti miércoles y la reducción del profesoráu ye’l datu que más incide nes condiciones nes que s’atopen los centros.

 

De resultes de la xuba del horariu llectivu y la reducción de la plantiya, sobrecárgase a aquellos que tienen xornada completa y aumenten les medies xornaes que constitúin yá lexón nos institutos asturianos. Dellos centros tienen hasta 10 docentes nesta situación lo qu’estorba hasta la desesperación la ellaboración de los horarios. La estratexa de cuntar con estos contratos sirve pa que l’alministración escuenda la perda de 2 o 3 puestos de trabayu de media per centru, pero ye indiscutible qu’estes cifres repercuten irremediablemente na atención educativa. N’especialidaes como Filosofía llega al 90% de medies xornaes, en Cultura Clásica’l 53%, en Física y Química’l 37%, y asina podríamos siguir numberando munches más. Nun podemos escaecer qu’esto produzse nun contestu nel que la plantiya definitiva va menguando añu a añu coles mesmes qu’aumenta la inestabilidá llegando a porcentaxes d’interinidá del 24% que provoquen la rotación añal de la inmensa mayoría del profesoráu en dellos centros asturianos. Los númberos nun son solo númberos, tienen detrás alumnáu y responsabilidaes sociales nun ámbitu tan trascendente como ye l’educativu y por ello nun podemos compartir nin entender el preste de la Conseyera d’Educación vendiendo la supuesta normalidá al entamu d’esti cursu.

 

Amás, los docentes interinos con vacante vieron modificada la duración del so contratu y esto ta xenerando molición p’aquellos que nun tienen garantizada la continuidá’l próximu cursu. Queden nel aire dellos aspeutos como la prestación por desempléu, la realización de los exames de setiembre o la puntuación por puestos de mal desempeñu. Ello sumao a que por causa de la tardía axudicación que se dio esti cursu, llegaron a los centros col repartu horariu zarráu perxudicando los derechos de munchos.

 

Les estorbises d’esti cursu por causa de la entrada a valir de la LOMCE en Primaria, anuncien yá –si nun lo remediamos primero- les que vamos vivir el siguiente cola implantación de los nuevos currículos de Secundaria y Bachilleratu. Entá asina, elementos más negativos d’esta llei como la falta de democracia interna nos centros, el papel reserváu a les nueves direcciones, la especialización curricular o les reválides con efectos nos xornales y nes condiciones llaborales de los docentes pueden convertise nuna amenaza a sumar pal llabor del profesoráu.

 

El gobiernu de Rajoy va aprovechar/utillizar la LOMCE como preséu pa llograr l’amenorgamientu al 3,9% el PIB destináu a la educación. Ye lo comprometío énte los ministros de Finances de la Unión Europea y va facelo sometiendo al docente a un empeoramientu llaboral. El compromisu énte l’ECOFIN supón ente otres midíes d’axuste la reducción del gastu públicu educativu. Nel añu 2009 averárase al 5,1%, nel 2012 baxara al 4,7% y nel 2013 taba en redol al 4,3%. La baxada que queda va ser la protagonista nos próximos cursos, con retayos que nun van venir de midíes tibies, sinón con un nuevu ataque fronteru a la enseñanza pública y a los sos trabayadores.

 

El Ministeriu d‘Hacienda baraxó pa llograr esi oxetivu una riestra de midíes como: ampliación del horariu llectivu del profesoráu y de la so xornada llaboral, l’aumentu nun 10% del númberu d’alumnos y alumnes per aula, el cese del profesoráu interín pel branu, l’amenorgamientu salarial añal no equivalente a una paga estraordinaria…  Too ello con un ministru que nun tien el menor escupuliciu n’anunciar como ésitu un aumentu d’estudiantes becaos, faciendo demagoxa nos medios de comunicación y ocultando una reducción en 75 millones pa esti cursu. En dos años la baxada en conceutu de cuantíes dedicaes a ayudes y beques yá algama los 201 millones. Déxanoslo bien claro, nun hai tregua pa la Educación. Dende SUATEA nun vamos quedar mirando, vamos emplegar toles nueses fuerces pa torgar la continuidá d’estos ataques. La llamada a la movilización en defensa de la Enseñanza Pública yá constitúi una necesidá inaplazable.

 

Uviéu, 16 de setiembre de 2014

 

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778