Certificación negativa Rexistru Central delincuentes sexuales. Personal docente

La Llei 26/2015, de 28 de xunetu, de cambéu del sistema de protección a la infancia y a l’adolescencia dio una nueva redacción al artículu 13, de la Llei Orgánica 1/1996, de 15 de xineru, de Protección Xurídica del Menor, de cambéu parcial del Códigu Civil y de la Llei d’Enxuiciamientu Civil na que se axunta, ente otros, un apartáu 5 qu’establez que: Va ser requisitu pal accesu y exerciciu a les profesiones, oficios y actividaes qu’impliquen contactu davezu con menores, el non tar condergáu por sentencia firme por nengún delitu escontra la llibertá ya indemnidá sexual, qu’inclúi l’agresión y abusu sexual, acosu sexual y corrupción de menores, asina como por trata de seres humanos. A tal efectu, el que queria acceder a estes profesiones, oficios o actividaes tendrá d’acreitar esta circunstancia apurriendo una certificación negativa del Rexistru Central de delincuentes sexuales.

Personal docente

Pola mor de tar en contautu habitual con menores pa desenvolver el so trabayu diariu, el personal docente ta mui bien incluyío nesta nueva esixencia normativa. Poro afitamos agora’l procedimientu p’apañar datos ya información respeuto del personal docente que yá ta nel exerciciu de la so actividá profesional. Nesti sentiu, nes convocatories selmanales de personal interín ya se fai’l procedimientu pa cumplir esti requisitu, enantes de la firma del nomamientu o contratu ya igualmente yá ta previstu’l procedimiento que se sigue nel casu de personal de nuevu ingresu pelos procedimientos selectivos.

Asina, estes instrucciones recueyen les actuaciones precises nos centros educativos pa garantizar el cumplimientu del requisitu d’acreitación de certificación negativa del Rexistru Central de delincuentes sexuales per parte del personal docente que yá s’alcuentra n’activo, marcando’l plazu hasta’l 20 de xunu pa facelo.

Procedimientos p’acreditar la certificación negativa

Establécense dos procedimientos básicos, a opción de cada trabayador:
– –  Solicitú d’esta certificación negativa directamente pola persona comenenciuda nel Rexistru Central de Delincuentes Sexuales, que darréu va apurrir al Serviciu de Xestión Alministrativa d’esta Dirección Xeneral.
– – Autorización, col modelu axuntu establecíu al efeutu, a la Conseyería d’Educación y Cultura, pa que l’Alministración faiga la consulta directamente.

Modelu de consentimientu (pdf editable)

Equipos directivos de centros educativos

Los equipos directivos tendrán de collaborar nesti procedimientu responsabilizándose de treslladar los datos de tol personal docente del centru, con independencia de la so vinculación llaboral o funcionarial, a los documentos (fueyes Excel) que s’unviaron a los centros educativos por Boletín oficial (18 de mayu) de la Conseyería d’Educación y Cultura, siguiendo les instrucciones establecíes.

Pola mor de la importancia del cumplimientu d’esta normativa solicítase la máxima dilixencia na tramitación d’esti procedimientu.

Documentación

Modelu de consentimientu (pdf editable)
Instrucciones pa profesoráu y centros educativos (pdf)

Duldes y aclaraciones

Serviciu de Relaciones Llaborales de la Conseyería
Teléfonu: 985 66 81 37
Estensiones: 12304 / 14448