Home > Comunicaos > Celebrada reunión cola alministración sobre la ufierta d’empleu públicu

Celebrada reunión cola alministración sobre la ufierta d’empleu públicu

oposicionesNa reunión fecha güei cola Alministración respecto a la convocatoria d’empléu públicu comunícasenos que la intención pela so parte ye convocar un total de 158 places pa estes especialidaes:

·   Primaria
·   Infantil
·   Pedagoxía Terapéutica
·   Audición y Llinguax
·   Inglés

Tanto’l númberu de places como les especialidaes mentaes puen ser oxetu de modificaciones en función del procesu negociador que tienen intención d’abrir d’equí a poco.

Anuncióse tamién la intención de convocar places pal Cuerpu d’Inspección anque la so execución nun podia facese esti cursu.

Dende SUATEA llamentamos nun poder ufrir a los opositores una información más detallada o definitiva pesie a les feches nes que mos topamos. Pensamos que prorrogar esta situación sigue causando un perxuiciu a les persones que tán estudiando cola incertidume de si saldrá la so especialidá o non y el númberu de places.

Llamentamos tamién que’l númberu de places totales que se convoquen nun atiendan a les necesidaes reales de les plantiyes nes que’l porcentaxe d’interinidá ta alredol del 25%. La tasa de reposición del 50% que s’impón nun permite, nin siquier, cubrir les xubilaciones producíes en Primaria esti últimu añu, colo que siguen acumulándose recortes y mengua d’empléu estable.

Na reunión planteguemos la necesidá d’abordar una serie de peticiones sobre la realización de les pruebes y iguar una serie de duldes que los interesaos mos faen llegar. L’alministración comprométese a convocar próximamente una reunión onde atender estes demandes.

En SUATEA esperamos que’l procesu de negociación sirva polo menos pa poder subsanar dellos problemes vivíos na última convocatoria d’oposiciones y se llogren delles reivindicaciones que davezu se-y planteguen a l’alministración.

Uviéu, 23 de xineru de 2015

NOTA: Si tenéis interés n’oposiciones n’otros llugares del Estáu podeis consultar el menu Profesoráu -Interín -Estatal

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743