Home > Profesoráu > Profesoráu interín (page 2)

Profesoráu interín

Llistes interinidá Castiella-Llion 16/17

El profesoráu interín que quiera formar parte de les llistes d’interinidá del Cuerpu de Maestros de Castiella-Llion pal cursu 16/17 tendrá que presentar la documentación de méritos cuando sea convocada a mediaos d’esti mes de febreru. La convocatoria d’oposiciones de Maestros sedrá posterior a esta convocatoria de demanda d’integración en llistes d’interinidá. Pa más información http://stecyl.net/borador-proceso-de-baremacion-interinidades-maestros/ Read More »

SUATEA pide a la Conseyería que nun venda fumu cola especialidá

El sindicatu mayoritariu na enseñanza docente non universitaria n’Asturies, SUATEA, quier salir al pasu de les declaraciones que’l Conseyeru d’Educación, Genaro Alonso, vieno faciendo públiques nos medios de comunicación alredor de la vieya demanda de la creación de la Especialidá Docente de Llingua Asturiana. Nesti sen, SUATEA quier recordar a la comunidá educativa: –Que la creación de la especialidá docente en Primaria y Secundaria ta sofitada dende Asturies pola demanda de la Xunta Xeneral del Principáu d’Asturies, polos sindicatos mayoritarios de la educación pública, poles asociaciones de padres y madres con más implantación, pola Academia de la Llingua Asturiana, pola Xunta de Personal Docente non universitariu, pol Conseyu Escolar del Principáu y a nivel estatal pol Conseyu Escolar del Estáu, ... Read More »

Negociación de la ufierta pública d’empléu

Güei martes 26 de xineru axuntóse la primer Mesa Sectorial de negociación pa tratar la ufierta pública d’empléu. Dende SUATEA defendimos la necesidá de venceyar el procesu d’oposiciones cola negociación d’un nuevu alcuerdu d’interinos que garantice la estabilidá del colectivu tal como asocede n’otres CCAA. El profesoráu asturianu ta reguláu con unes condiciones más precaries qu’otros territorios del Estáu. Estes condiciones afecten especialmente a determinaes especialidaes y al profesoráu que lleva más años trabayando que pueden quedar fora del sistema tres la rebaremación de llistes que se produza tres el procesu. Defendimos tamién dalgunes de les reivindicaciones que nos tresmitieron dende’l colectivu de Maestros Capacitaos”. Ponémosvos de siguío l’enllaz al documentu qu’apurrimos a l’Alministración. La mesa va siguir el próximu ... Read More »

Propuesta inicial de places d’oposición

Dende la Mesa General de negociación proponense les siguientes places: Read More »

Manifiestu de l’asamblea de profesoráu interín

Aconceyaos n’asamblea nel IES “Aramo” d’Uviéu el llunes, 18 de xineru de 2016, el profesoráu interín de los centros públicos asturianos quier facer públicu esti MANIFIESTU: N’aplicación del nefastu Alcuerdu de profesoráu interín suscritu por FETE-UGT y ANPE en 2014, la convocatoria d’oposiciones prevista pa esti añu va trayer la reordenación y rebaremación de les llistes d’interinidá actualmente en vigor, lo que pue implicar qu’una parte grande de los docentes interinos que lleva abondos años exerciendo, pierda’l trabayu. En munches CCAA, el profesoráu interín tien firmaos pautos d’estabilidá, de manera tala que les convocatories d’oposiciones nun-yos afecten, al tar estremaes de la recomposición de lllistes. Poro, paeznos ineludible arreyar la convocatoria de oposiciones y la negociación d’otru Alcuerdu nuevu de ... Read More »

SUATEA pide saber les consecuencies de la prorroga nes oposiciones

SUATEA ESIXE AL CONSEYERU D’EDUCACIÓN ESPLICACIÓN SOBRE LES CONSECUENCIES DE LA PRÓRROGA PRESUPUESTARIA NA UFIERTA D’EMPLÉU PÚBLICU DOCENTE Énte la noticia de la prórroga presupuestaria del gobiernu del Principáu d’Asturies pa 2016, dende SUATEA esiximos esplicaciones inmediates del Conseyeru d’Educación al respective de les repercusiones qu’esta situación va tener nel ámbitu educativu. El Conseyeru comprometióse cola Xunta de Personal Docente a aprobar una ufierta d’empléu públicu docente d’unes 400 places d’Educación en Secundaria, Formación profesional y otres enseñances de réxime especial pa 2016. Agora bien, en feches posteriores, tal como se recoyó en distintos medios de comunicación, el Conseyeru condicionó la convocatoria d’eses places a l’aprobación de los presupuestos. La noticia de güei de que se prorroguen los presupuestos pa ... Read More »

Propuesta anicial d’especialidaes pa oposiciones

L’alministración apurriónos esta mañana les especialidaes que tien pensao convocar pa les próximes oposiciones. Esta información tresmitióse nun conceyu de la Xunta de Personal col Conseyeru. El númberu de places pa cada especilidá trataráse en xineru. Nel primer trimestre de 2016 saldrán les  places pendientes de Cátedra de Conservatoriu. A lo llargo de 2016, 11 places d’inspección. ESPECIALIDAES PROPUESTES 0590 PROFESORES DE SECUNDARIA 004 Lengua Castellana y Literatura 005 Geografía e Historia 006 Matemáticas 007 Física y Química 008 Biología y Geología 011 Inglés 012 Alemán 017 Educación Física 018 Orientación Educativa 019 Tecnología 061 Economía 101 Administración de Empresas 105 Formación y Orientación Laboral 108 Intervención Sociocomunitaria 109 Navegación e Instalaciones Marinas 110 Org. y Gestión Comercial 112 Org. ... Read More »

Nin hai docentes, nin se los espera

El problema ye muncho más grave de lo que la Conseyería reconoz Dende va selmanes cerca de dos mil alumnos y alumnes asturianos alcuéntrense ensin docentes, sobre too nes especialidaes de formación profesional, enseñances de les que’l Conseyeru d’Educación afirmó que diben ser prioritaries. Tanto ye, que crió una Dirección Xeneral Especifica pa elles. La situación fala por ella mesma de lo grande que ye la preocupación manifestada pol Conseyeru coles enseñances profesionales. La Conseyería d’Educación reconoció qu’existen 32 puestos vacantes y que pa iguar esta situación, en detectándose’l problema, abrió, cola Resolución de 28 de setiembre, 15 bolses de trabayu de les que solamente se baremaron dos de forma provisional. El problema va tovía más p’allá, yá qu’existen un ... Read More »

Axudicación de destinos de les persones aspirantes a interinidá

01/09/2015. Resolvimientu de 01 de setiembre de 2015 de la Conseyería d’Educación y Cultura, pola que se publica l’axudicación de destinos pal cursu 2015/2016 de les persones aspirantes a interinidá de tolos cuerpos docentes qu’imparten les enseñances escolares del sistema educativu que les sos vacantes fueron convocaes por Resolvimientu de 25 d’agostu de 2015. Ver resolución [pdf] Ver axudicación [pdf] NOTA INFORMATIVA El personal interín que tien asignáu destín incorporase al mesmu’l día 2 de setiembre. El personal de los niveles d’Enseñanza Secundaria, Formación Profesional y Enseñances de Réxime Especial que tuviera emprestando servicios hasta’l 30 de xunu de 2015 n’otru centru distintu al que-y sía axudicáu pal cursu 2015-2016, tendrá d’allegar al primeru pol tiempu imprescindible hasta que concluyan ... Read More »

Un iniciu de cursu de vergoña. Esiximos la dimisión de los responsables d’esta llaceria

SUATEA esixe la dimisión de los responsables d’esta llaceria d’entamu de cursu escolar. La Conseyería d’Educación índa nun se dignó asoleyar l’axudicación del profesoráu interín que mañana, según el so propiu calandariu, debería incorporase a los centros docentes asturianos. Tres dos meses de despropósitos, erros y falta d’asumir responsabilidaes pol Conseyeru de turnu, avanzada la tardel del 31 d’agostu siguen ensin asoleyase les axudicaciones del profesoráu interín. Sí hebo una rectificación parcial: tres la llaceria de la convocatoria de les places de los Conservatorios d’Asturies, la Conseyería cedió antes les presiones de les persones afectaes y d’organizaciones que como SUATEA llevamos denunciando les aberrantes actuaciones de la Conseyería d’Educación. Los contratos de los docentes de los Conservatorios van ser prorrogaos ... Read More »

La Conseyería sigue escluyendo a docentes de los llistaos d’interinos

Asoleyaes les vacantes: el cursu nun va poder entamar con normalidá’l 1 de setiembre. La Conseyería d’Educación mantién la convocatoria de puestos vacantes col calandariu previstu inicialmente. Gracies la presión de dellos sindicatos, como foi’l casu de SUATEA, aceptóse iguar un garrapiellu d’erros materiales pero nin muncho menos solventar los problemes plantegaos cola publicación del llistáu d’interinos el pasáu 21 d’agostu. La Conseyería d’Educación anecia en mantener el calandariu y en nun atender a les reclamaciones del profesoráu interín. Acordemos que munches persones fueron escluyíes de les listes d’aspirantes a interinidá como consecuencia de l’aplicación d’esti Alcuerdu, robláu por ANPE y FETE cola Alministración. Anteriormente nun había obligación de presentase al procesu selectivu pa permanecer en llista. Agora, col incrementu ... Read More »

SUATEA esixe l’atención a les reclamaciones na corrección d’erros y un nuevu Alcuerdu d’Interinos

Na reunión d’esta mañana a instancies de SUATEA col Director Xeneral de Personal de la Conseyería d’Educación, esti sindicatu plantegó la necesidá d’iguar los grandes problemes que s’asoleyen na publicación de los llistaos de profesoráu interín. Hai dellos tipos de problemes: dende persones qu’apaecen ensin la nota correspondiente a los procesos selectivos, hasta erros na puntuación de los diferentes apartaos, falta de reconocimientu de títulos universitarios o espedíos pola propia conseyería… Al tiempu visualícense les graves consecuencies del Alcuerdu d’Interinos del 2014, como la esclusión de los llistaos de milenta docentes que formaben parte de los mesmos. Persones que tando nuna determinada llista, presentáronse a otres especialidaes cola intención de meyorar les sos espectatives llaborales y que s’alcuentren con que ... Read More »

Calandariu definitivu d’axudicaciones y llistes d’interinidá

CALANDARIU DEFINITIVU AXUDICACIONES. FUNCIONARIOS/ES EN PRÁCTIQUES Y INTERINOS/ES Consultar Calendariu definitivu en PDF   Según lo previsto nel calendariu d’axudicaciones del profesoráu interín, publíquense con calter informativu, los llistaos d’aspirantes a interinidá de tolos cuerpos docentes y les sos correspondientes especialidaes. Llista cuerpu 0590 [pdf] Llista cuerpu 0591 [pdf] Llista cuerpu 0592 [pdf] Llista cuerpu 0594 [pdf] Llista cuerpu 0595 [pdf] Llista cuerpu 0596 [pdf] Llista cuerpu 0597 [pdf] NOTA: El profesoráu interín que nun dispón del pin necesariu pa poder realizar los pidimientos pa les convocatories d’aspirantes a interinidá, puede pasar pol Serviciu de Plantiyes de la Conseyería o bien, unviar corréu electrónicu a la siguiente dirección profesoradointerino@educastur.princast.es colos siguientes datos: -Apellíos y nome -DNI -Cuerpu y especialidá -Fecha de nacencia ... Read More »

SUATEA encamienta al Conseyeru d’Educación a pone-y acabu a los agravios al colectivu

Énte la publicación del llistáu de Profesoráu Interín, SUATEA encamienta al Conseyeru d’Educación a pone-y acabu a los agravios al colectivu. Güei publíquense les llistes de profesoráu interín. El 25 d’agostu ábrese’l plazu pa que quien superaron el postrer procesu selectivu y les persones en llista fagan peticiones de vacantes pa’l próximu curso. Pero los problemes siguen: a les reclamaciones correspondientes al procesu selectivo en delles especialidaes de  Primaria -estráu d’errores como denunció SUATEA a lo llargo del mesmu- xúntense peculiaridaes que namás afecten a Asturies (distribución de places por tribunal, places pa profesoráu con discapacidá, usu o non de medios informáticos, aspirantes escluyíos ensin motivos…). Esto ye dalgo que’l nuevu Conseyeru d’Educación ha d’iguar, pues trátase d’elementos que nun dependen ... Read More »

Nota informativa sobre les notes de les oposiciones

Dende SUATEA pidimos esplicaciones a l’alministración ante lo que asocedió na especialidá de AL, onde los tribunales publicaron unes notes nes que solo aprueben un númberu de persones igual al númberu de places asignaes a cada tribunal. Consideramos que tal actuación fraya los principios de méritu y capacidá, anulando la fase de concursu y convirtiendo en papel moyáu la formación académica, los cursos realizaos y l’esperiencia previa pa optar a una plaza de funcionariu docente. Informósenos que la Secretaría Xeneral Técnica va estudiar la nuesa solicitú y va unviar les instrucciones oportunes a los tribunales de les oposiciones. Esperamos qu’esto signifique que se retoma’l camín de la cordura y que los y les aspirantes puedan llograr les notes que realmente ... Read More »

SUATEA pidi una reflexón a la Conseyería sobre los nocivos efectos de les sos práctiques

El sindicatu educativu SUATEA píde-y a la Conseyería d’Educación y a los sos responsables que faigan una evaluación seria, responsable y crítica de les sos actuaciones y práctiques a lo llargo d’esti mandatu qu’agora acaba. Tamos asistiendo a un procesu d’oposiciones onde too paez ser frutu de la improvisación y la incompetencia de los máximos responsables de la Conseyería, qu’en dellos casos tuvieron que rectificar decisiones pol caos xeneráu y en dellos otros siguen aneciando coles sos práctiques que llevamos años sofriendo tanto nel planu sindical como nel llaboral. Partimos d’una convocatoria d’oposiciones con una ufierta pública d’emplegu insuficiente p’atender a les necesidaes de los centros educativos y cumplir colos principios d’equidá, inclusión, coeducación, y atención a la diversidá dientro ... Read More »

Calandariu pal Profesoráu Interín

COMUNICACION DE L’ALMINISTRACIÓN VIA CORRÉU ELECTRÓNICU “Buenos días: De acuerdo con lo previsto en el artículo 40 de la Ley 7/2007, de 12 de abril, del Estatuto Básico del Empleado Público se remite a las organizaciones sindicales con representación en la Junta de Personal docente de centros no universitarios las Instrucciones de 15 de julio de 2015  por las que se establece el calendario de adjudicaciones para el curso 2015/2016 ( funcionarios en prácticas y aspirantes a interinidad). Como se puede comprobar, tal y como se había informado previamente a las organizaciones sindicales en reuniones celebradas el pasado mes de junio,  en el Anexo I de estas Instrucciones se incorpora una nota aclaratoria con el siguiente contenido: “La incorporación del profesorado interino ... Read More »

Baremu provisional opositores

Resolución de 6 de xunetu de 2015, de la Conseyería d’Educación, Cultura y Deporte, pola que se publiquen les puntuaciones provisionales asignaes na fase de concursu a les persones aspirantes del procedimientu selectivu pa ingresu nos cuerpos docentes a que se refier la Llei Orgánica 2/2006, de 3 de mayu, d’Educación y procedimientos p’alquisición de nueves especialidaes nos mentaos cuerpos, convocáu por aciu Resolvimientu de 19 de marzu de 2015. Ver resolución [pdf] Ver puntuaciones provisionales [pdf]   Llistes de calificación de la primer prueba de toes les especialidaes (Educastur) Read More »

OPOSICIONES: Una otra incoherencia de la nuestra Conseyería d’Educación

La precipitación ye mala conseyera, y nun falamos de la Sra. Responsable d’Educación. Decímoslo pol desenrollu de la Ufierta Pública d’Emplegu qu’entamó esti llunes 22 de xunu atrás. A la incongruencia de tener tribunales con más de 200 persones opositando, disgregaes por un cientu d’aules de los institutos asturianos, de tener que disponer de la presencia física de les persones suplentes y reserves pal cuidáu de les dos partes de la primera preba de la fase oposición… axuntaríemos la que nestos momentos ta socediendo. La llectura de les 2 partes entamó hoi, y da dándose la situación de que nos institutos onde se ta lliendo inda hai actividá académica, yá que nun remató’l períodu llectivu pa los estudiantes de secundaria. ... Read More »

La Conseyería depura les llistes d’interinidá

Llistáu d’Escluyíos temporales de les llistes d’interinos por nun tener la formación pedagóxico y didácticu legalmente establecía Esta esclusión temporal va traer, pal personal afectáu, la suspensión de futuros llamamientos nes distintes convocatories de personal aspirante al desempeñu de puestos en réxime d’interinidá hasta’l momentu en que la persona apurra la documentación acreditativa d’atopase en posesión de la formación pedagóxico y didáctico legalmente establecida. Read More »

Oposiciones: Tribunales definitivos – almitidos – reparto opositores

Resolución de 4 de xunu del 2015, de la Conseyería d’Educación, Cultura y Deporte, pola que s’aprueba la llista definitiva de persones almitíes y escluyíes y la designación definitiva de los órganos de selección del procedimientu selectivu pa ingresu nel cuerpu de maestros a que se refier la Llei Orgánica 2/2006, de 3 de mayu, d’Educación y procedimientos p’alquisición de nueves especialidaes nel mentáu cuerpu, convocáu por aciu Resolvimientu de 19 de marzu de 2015. Inclúye’l repartu d’opositores per tribunal y les sedes de los mesmos. Ver resolución [pdf] Llistáu definitivu d’almitíos [pdf] Read More »

Alcuerdu d’interinidá: mayor precariedá

Ayer 3 de xunu, l’Alministración reunióse colos sindicatos firmantes del alcuerdu de profesoráu interín (ANPE y UGT) pa tratar d’esclariar determinaos aspectos del mesmu que dexen en total indefensión a un gran númberu d’aspirantes. Esti alcuerdu tien como fin principal facer una llimpieza de llistes, dexando a cientos de persones qu’hasta agora formaben parte d’elles ensin posibilidá de siguir nes mesmes, entá teniendo aprobao en procesos anteriores. Vista dalguna información publicada paez que les resultancies de la reunión son inoperantes dafechu y nun igüen nengún de los problemes qu’afecten a esti colectivu. Resulta qu’estos sindicatos danse cuenta agora de lo nefasto del alcuerdu pa quien se presente al procesu selectivu qu’empieza’l próximu día 22. ¡Llamentable! EL fechu d’obligar a presentase ... Read More »

Sobre los tribunales de les oposiciones

El procesu d’oposiciones docentes echó a andar cola publicación de les llistes provisionales d’aspirantes y tribunales. El númberu d’aspirantes pasa de 6.000 persones, y pa ello fórmense 34 tribunales. Esto fai qu’a cada tribunal-y correspuendan más de 150 persones, y esto ye más grave entá n’Infantil, onde’l númberu d’aspirantes per tribunal perpasa les 200. Especialidá Tribunales Aspirantes Asp/Tribunal Places Asp/plaza Audición y L. 2 319 161 21 15 Infantil 10 2098 213 68 31 Primaria 12 2005 169 38 53 Inglés 5 731 148 33 22 Pedagoxía Terap. 5 801 163 28 29 (Inclúinse únicamente aspirantes de turnu llibre) Dende SUATEA queremos denunciar esti fechu. Esperamos qu’esti eleváu númberu de persones per tribunal nun vaiga en desterciu del normal desenvolvimientu ... Read More »

L’Alministración solicita nuevos requisitos pa formar parte de la llista d’interinidá en Secundaria

La Conseyería d’Educación publicó hoi un llistáu con miles de persones que tán presentes nes llistes d’interinidá nes etapes d’educación secundaria obligatoria, formación profesional y enseñu de réxime especial nes qu’esixe que presenten documentación acreditativa de tar en posesión de la formación pedagóxica y didáctica correspondiente o esperiencia docente que convalide esta formación. El plazu que se-y da a esti profesoráu pa presentar la documentación va del 1 al 20 d’abril y aquellos que nun l’acrediten van quedar fuera de les llistes independientemente de la esperiencia docente cola que cuenten. Esta información, de vital importancia pa una gran parte de docentes, asoléyase’l mesmu día nel que la comunidá educativa entama les vacaciones de primavera, un periodu non llectivu de 8 ... Read More »

Resume asamblees currículum LOMCE na ESO y Bachiller

Les asamblees de profesoráu convocaes el miércoles 24 de marzu alcordaron que van proponer movilizaciones a la vuelta de les vacaciones de primavera, en defensa del enseñu públicu y con tres pegollos fundamentales: Pidir l’aplazamientu de la implantación de la LOMCE n’Asturies: llamentóse la postura que ta calteniendo la Conseyería d’Educación que d’una parte refuga la Llei Wert pero que de la otra aplícala siguiendo’l dictáu del ministeriu col prexuiciu qu’esto xenera a tol alumnáu y al profesoráu, que, d’aplicase los currícula tal como ta plantegando la Conseyería, va ver en munchos casos como se suprimen los sos puestos de trabayu. Amás de la Llingua Asturiana, especialidaes como l’Apoyu al Area Práctica (desapaez la especialidá), los segundos idiomes, la Filosofía, ... Read More »

L’alministración asturiana sigue maltratando a los opositores

Los criterios afitaos pa la ufierta pública d’empléu docente nun garanticen nin la equidá nin la oxetividá, y siguen maltratando al profesoráu asturianu. Güei vienres 13 de marzu aconceyaron les organizaciones sindicales presentes na Xunta de Personal cola Conseyería d’Educación pa falar de los criterios a siguir nel concursu-oposición d’esti añu. Previamente, la Conseyería pidiera a les OO.SS. que fexeren les aportaciones que vieren oportunes sobre cómo debería desendolcase esi procesu. Tenemos que dicir que’l resultáu nun puede ser más decepcionante, yá que de les propuestes sindicales nun s’almitió casi nenguna y los criterios que van rixir siguen ensin garantizar la equidá y la oxetividá que deberíen ser la clave de tol procesu. Y esto ye asina porque l’Alministración decidió, ... Read More »

Propuestes y preguntes de SUATEA sobre les Oposiciones 2015

Esti vienres 13 de marzu por fin la Conseyería d’Educación tien a bien aconceyar coles organizaciones sindicales pa informar del procesu d’oposiciones al Cuerpu de Mayestros 2015. SUATEA lleva esixendo-y a la Conseyería, dende qu’anunció la so intención de facer efectiva la Ufierta Pública d’Emplegu, un procesu tresparente y xustu. Ente les midíes que-y solicitamos pa garantizar esta tresparencia y la igualdá d’oportunidaes tán: Realización d’un sortéu únicu pa tolos tribunales de la mesma especialidá col envís que los temes a desarrollar sean los mesmos en tolos tribunales. Publicación con antelación a les prebes de los criterios de calificación, corrección o valoración de los que se van mandar los miembros de los tribunales pa calificar. Convocar una presentación pública y ... Read More »

Bolses d’Informática y PT

[Actualización 09/03/2015] Pedagoxía Terapéutica: Resolución y Llista definitiva [Actualización 24/02/2015] Informática: Resolución y Llista Definitiva [Actualización 12/02/2015] Pedagoxía Terapéutica: Resolución y Llista provisional [Actualización 29/01/2015] Informática: Llista provisional de persones almitíes. // Consultar llistáu definitivu persones almitíes [pdf]   [20/12/2014] Resolución de 20 de payares del 2014, de la Conseyería d’Educación, Cultura y Deporte, pola que s’apreba la convocatoria pa la ellaboración de bolses d’aspirantes a interinidá de los cuerpos docentes qu’imparten les enseñances escolares del sistema educativu. El plazu de presentación ye de 10 díes naturales, a cuntar a partir del día siguiente a la publicación de la resolución. 0590 – Profesores d’Enseñanza Secundaria: 0590107 Informática 0597 – Mayestros: 0597036 Pedagoxía Terapéutico Ver resolución Asina mesmo tamién se publicó ... Read More »

Información estatal oposiciones y bolses de trabayu

Puede accedese a toles convocatories de oposiciones y bolses de trabayu al traviés de Profesoráu – Profesoráu interín – Estatal Oposiciones y Bolses Read More »

Wert quier contratar profesoráu becariu

Wert vuelve a precarizar la educación pública contratando profesoráu becariu en llugar del profesoráu interín despidíu Ensin convocar a la mesa sectorial de negociación, el ministru Wert anunció pal próximu cursu un nuevu proyectu pa la contratación como becarios de titulaos universitarios como sofitu en Primaria pa los centros con especiales estorbises. Pal ministru, cualesquier solución barata ye bona pa iguar los problemes educativos nes que la so política de retayos metió a la escuela pública, faciendo de menos y rebaxando otra vuelta más con criterios economicistes y mercantiles la calidá del sistema educativu. Los 22 millones que va suponer el programa y les 2000 places a ufiertar son un bofetón más pa los más de 36.000 profesores y profesores ... Read More »