Home > Profesoráu > Condiciones llaborales

Condiciones llaborales

Llamamientu al profesoráu interín. Fuelga 9Mz

El colectivu de profesoráu interín merez una llamada específica por ser, d’ente tolos docentes, quien resultaron peor paraos cola aplicación de la LOMCE y de les midíes económiques restrictives que, cola escusa de la crisis, impusieron el gobiernu central y los autonómicos. Les reivindicaciones que, dende la Plataforma en Defensa de la Escuela Pública, se planteán pa esta convocatoria de fuelga: – En contra de la LOMCE y de los decretos que lu desenvuelven. – Por un aumentu xeneralizáu de plantiyes. – La demanda d’axustar un accesu estremáu nel sistema d’ingresu a la función pública y la propuesta d’afitamientu y estabilidá del profesoráu interín. – Pola inmediata cobertoria de les baxes. – Pol amenorgamientu de ratios. – Pola estabilidá del ... Read More »

SUATEA refuga la plantiya final propuesta pola Conseyería

SUATEA REFUGA LA PLANTIYA PROPUESTA FINALMENTE POR  EDUCACIÓN Y ESIXE QUE NUN SE CIERRE NENGUNA AULA PÚBLICA MIENTRES SE CALTIENEN LOS CONCIERTOS EDUCATIVOS Na Mesa Sectorial que concluyía güei, SUATEA llamentaba que la Conseyería d’Educación, tres años de destrucción d’empléu na rede pública, namá propunxera la creación neta d’unos cincuenta places docentes pal próximu cursu. Tratase d’una cifra risible teniendo en cuenta los cientos de places perdíes los últimos años. La precariedá na escuela pública asturiana ta sirvida pal próximu cursu. Nun se garantiza la esistencia de plantiyes estables nos centros, daqué fundamental p’atender a la diversidá, llevar a cabo proyectos educativos y garantizar una enseñanza calidable. Na Mesa’l nuesu sindicatu esixó un cambéu drásticu nes condiciones llaborales del profesoráu ... Read More »

La conciliación de la vida familiar y llaboral: un espeyismu

L’espeyismu de la conciliación de la vida familiar y llaboral na educación asturiana El 1 de xineru de 2017 entró en vigor l’ampliación del permisu de paternidá de 2 a 4 selmanes. Esa ampliación retardárase dende l’añu 2011. Trátase d’una midida que, en teoría, pretende fomentar la natalidá y la corresponsabilidá ente homes y muyeres. Dende la Conseyería d’Educación unvióse a los centros educativos d’Asturies l’actualización d’esi permisu y da unes instrucciones pa realizar les sustituciones d’aquellos docentes que tengan derechu a esfrutarlu.Nesesdirectrices, queda clara la intención de la nuesa Conseyería d’Educación de nun realizar contrataciones pa sustituyir a los padres que s’acueyan a él . Nes instrucciones, recuérdase a les direcciones de los centros que les sustituciones, nos primeros ... Read More »

Plantiyes docentes: más retayos n’Educación

PLANTIYES DOCENTES: MÁS RETAYOS N’EDUCACIÓN La Conseyería d’Educación acaba de publicar la propuesta de plantiyes del profesoráu asturianu pal próximu añu. La promesa d’un presupuestu que supere’l contestu de crisis quedar nuna mera declaración ensin conteníu real. Non solamente nun hai recuperación, pos y l saldu final sigue siendo negativu, sinón que la amenorga más significativa dase xustamente na educación infantil; en xunto, piérdense 27 places de personal d’esta especialidá. Dende distintos ámbitos de la comunidá educativa yá denunciemos el zarru d’unidaes en 3 años y les consecuencies qu’esto tien nos centros públicos: la perda d’una aula al entamu de la escolarización va dir amenorgando consecutivamente la de los cursos que lu siguen hasta dexar na metá a gran parte ... Read More »

L’informe Pisa y los presupuestos d’ASTURIES

COINCIDIENDO COL INFORME PISA, SUATEA PRESENTA NEL  PLENU DE LA XUNTA XENERAL DEL PRINCIPÁU PROPUESTES EN MATERIA EDUCATIVO A LOS  PRESUPUESTOS D’ASTURIES De primeres, dende SUATEA, queremos incidir en qu’hai que relativizar la importancia del informe internacional PISA, unu más sobre educación, que reflexa aspeutos parciales y reduccionistes y qu’establez un ranking ensin esplicar los condicionantes qu’arrodien el procesu educativu. Esti modelu d’evaluación y la so formulación, lleváu a cabu pola OCDE, consiste nuna prueba que namá valora la calidá de los sistemes educativos en función de los valores cuantitativos y, en concencia, nun val n’absoluto pa midir la calidá real de la educación d’un país. Sía que non, estes resultancies, anque parciales y sesgaes, confirmen polo xeneral que’l sistema ... Read More »

SUATEA gana contenciosu por los impagos al profesoráu itinerante

SUATEA GANA CONTENCIOSU  RECLAMANDO  A LA CONSEYERÍA D’EDUCACIÓN LOS IMPAGOS  POR ITINERANCIA DE TOL CURSU 2015-16 El xulgáu de lo contencioso-alministrativo númberu 4 d’Uviéu, en sentencia 00226/2016, de 7 de payares de 2016,  reconoz a dos itinerantes representaos polos servicios xurídicos de SUATEA, el derechu a cobrar tolo que la Conseyería d’Educación-yos quitó nel cursu 2015-2016, consecuencia de la intrepretación restorcida ya interesada (aforru de cuartos) qu’ésta vien faciendo del “Acuerdo sobre las condiciones de trabajo del profesorado itinerante de 2001”. Nel  separtáu 5.1 del alcuerdu, según el Maxistráu xuez, danse claramente los criterios pal cálculu de les indemnizaciones  que se recibirán en función de los  km contabilizaos pa dir y tornar de los percorríos peles escueles a les que ... Read More »

Ayudes pa compensar accidentes de tráficu

La Conseyería convoca les ayudes añales pa compensar los daños por accidente de tráficu en itinerancias (plazu: 10 días habiles) Convocatoria – Accesu a la instancia Read More »

5 d’ochobre: Día Mundial de les y los docentes

“Valoremos a les  y los docentes, ameyoremos la so situación profesional”  Nesti 2016  conmemórase’l 50º aniversariu de l’aprobación, en 1966, del Encamientu conxuntu de la OIT y l’UNESCO relativu a la situación del personal docente y que dio orixe al  Día Mundial de les y los Docentes. El lema d’anguaño, “Valoremos al docente, ameyoremos la so situación profesional”, recueye los encamientos de OIT y l’UNESCO, según los conteníos de l’Axenda d’Educación 2030 y los Oxetivos de Desenvolvimientu Sostenible 2016 de la ONU. Estos documentos reclamen  una educación de calidá ,inclusiva y equitativa, sofitándose nunos  docentes contrataos y remunerados de forma afayadiza y unos sistemes dotaos de recursos. Incídese tamién na necesidá de qu’esi profesoráu tenga una afayadiza formación y cualificación ... Read More »

Escluyíos de la oposición + Alcuerdu d’interinidá = PARU

Escluyíos de la oposición y Alcuerdu d’interinidá: la combinación que dexa a docentes na cai Empezaron les oposiciones y échense cuentes de les tases de participación de les persones que taben llamaes al procesu. Nun se van contabilizar ende aquellos que fueron declaraos escluyíos por erros puramente alministrativos que nun-yos dexaron iguar. Dalgún apaeció como almitíu na llista provisional, otros recurrieron en tiempu y forma pero ensin ésitu, en tolos casos la resultancia ye la mesma: n’Asturies, nun presentase a la oposición supón quedar fora de les llistes d’interinidá y nel casu de tar trabayando nestos momentos, quedase en paru hasta que l’Alministración tenga a bien volver convocar oposiciones de la mesma especialidá (dos años nel meyor de los casos). ... Read More »

Retayos por sorpresa – Mengüen unidaes en segunda vuelta

El xueves de la selmana pasada la Conseyería d’Educación comunicaba a los centros educativos por aciu un corréu electrónicu que yá taba disponible en Educastur la información correspondiente a la propuesta de númberu de grupos y de docentes pal próximu cursu 2016/17. Nel mesmu corréu dábense les instrucciones pa realizar los allegamientos a la propuesta de l’Alministración y marcábase una selmana de plazu pa realizar esi procesu. Read More »

Profesoráu itinerante: Valió d’engaños

La Conseyería d’Educación, al traviés de los medios de comunicación y en conceyu colos sindicatos firmantes del Alcuerdu Sobre les Condiciones de Trabayu del Profesoráu Itinerante (en vigor dende 2001), denunció esti alcuerdu hai unos díes. Ello trai como consecuencia que pal cursu que vien tendrá que negociase con toles centrales sindicales un Alcuerdu nuevu, anque  hasta qu’acabe esti cursu nun hai dulda que’l de 2001 sigue vixente. El Conseyeru sábelo, pero lleva incummpliéndolu yá dende primeros de cursu al nun pagar al  profesoráu itinerante por tolos conceptos fixaos nel puntu 5.1 del alcuerdu, lo que traxo como resultáu el que deba importantes cantidaes de dineru al profesoráu itinerante (en munchos casos más de 1000 €). La denuncia actual del ... Read More »

Maltratu al profesoráu itinerante y la escuela rural

Tamos yá nel últimu trimestre del cursu y el profesoráu itinerante d’Asturies entá nun cobró lo que se-y debe dende setiembre. La Conseyería negóse de mano a cumplir l’acuerdu d’itinerancies  soscritu con delles orgnaizaciones sindicales y revocó a la baxa les solicitúes d’indemnización presentaes pol profesoráu colos criterios vixentes nel alcuerdu y tal como se venía faciendo dende hai quince años. Pidió-yos que rectificaren les sos piticiones estableciendo criterios de pagu nuevos, contrarios al alcuerdu y que rebaxaben enforma les cantiaes a cobrar. El profesoráu negóse a ello, sigui reclamando les cantidaes iniciales y movilizóse esixendo lo que se-y debe con asamblees, concentraciones delantre la Conseyería Educación y una caravana coches alredor d’ella. Frutu de les movilizacines,  la Conseyería cambió ... Read More »

Profesoráu Interín: Concentración/Asamblea 18 de marzu

El pasáu sábadu, el colectivu de profesoráu interino d’Asturies concentrau ente la Xunta Xeneral del Principáu celebró una tercera asamblea en defensa de la estabilidá del colectivu y un nuevu alcuerdu d’interinidá. Nella valorose la PNL aprobada col apoyo de tolos grupos parlamentarios menos el PSOE y la falta d’apoyu d’otros sindicatos. Decidiose siguir faciendo movilizaciones y convocar una nueva asamblea’l día 18 de marzu a les 17:30h. nel IES Alfonso II siguida d’una concentración a les 18:45 delantre la Xunta Xeneral. ¡Pola estabilidá y un nuevu Alcuerdu d’Interinidá! ¡Pola recuperación de plantiyes, contra l’efectu negativu na atención al alumnáu y l’aumentu de contratación de profesoráu! Ven el vienres 18 a defender los nuesos derechos. Descarga el cartelu pal tu ... Read More »

Itinerantes: Caravana en demanda del nuesu dineru

El Conseyeru d’Educación paez desdecise de lo que dixo va un mes sobre’l pagu al profesoráu itinerante de too el so kilometraxe, como venía asocediendo dende fai mas de catorce años, y como protesta y reivindicación del caltenimientu de los pagos a esti profesoráu SUATEA convoca CARAVANA DE PROFESORÁU ITINERANTE XUEVES 17 DE MARZU A LES 18 HORES SALIDA DENDE LA PLAZA D’ESPAÑA DESCARGA’L CARTELU PAL TU CENTRU   Read More »

La Conseyería fai caxa

L’arca del dineru publico, maltratada y afuracada colos sobrecostes d’El Muselón, la Regasificadora, el Casu Marea, el Casu Villa… hai que la recebar arrañando perres d’onde se puea. El Gobiernu asturianu, al traviés de la Conseyería d’Educación, va faciendo caxa coles pingarates que paña de les dietes del profesoráu itinerante que lleva ensin cobrar dende qu’entamó’l cursu, de los pieslles y fusiones de centros pal cursu que vien y de la mengua sangrante nes partíes económiques tresferíes a los centros educativos pal so gastu corriente. El pasáu llunes día 29 febreru de 2016, SUATEA xunto col restu de sindicatos representaos na Xunta de Personal docente non Universitario d’Asturies (XPD), foi convocáu a un conceyu informativu per parte la Conseyería Educación ... Read More »

SUATEA pide a la Conseyería que nun venda fumu cola especialidá

El sindicatu mayoritariu na enseñanza docente non universitaria n’Asturies, SUATEA, quier salir al pasu de les declaraciones que’l Conseyeru d’Educación, Genaro Alonso, vieno faciendo públiques nos medios de comunicación alredor de la vieya demanda de la creación de la Especialidá Docente de Llingua Asturiana. Nesti sen, SUATEA quier recordar a la comunidá educativa: –Que la creación de la especialidá docente en Primaria y Secundaria ta sofitada dende Asturies pola demanda de la Xunta Xeneral del Principáu d’Asturies, polos sindicatos mayoritarios de la educación pública, poles asociaciones de padres y madres con más implantación, pola Academia de la Llingua Asturiana, pola Xunta de Personal Docente non universitariu, pol Conseyu Escolar del Principáu y a nivel estatal pol Conseyu Escolar del Estáu, ... Read More »

Recuperar la paga estra de 2012

Nel BOPA d’ayeri, 21 de xineru, publícase la norma que regula la recuperación del tercer tramu de la estra que NUN pagaron nel 2012. Toes aquelles persones que tean en condiciones de reclamalo pueden facelo col impresu que se publica. Pue vese el BOPA aquí Si no pediste el segundo tramu pues encontralu nel siguiente enllaz: BOPA de solicitud del segundo tramu Read More »

El PSOE pide paralizar la LOMCE nel Congresu. ¿Y n’Asturies?

D’unos díes p’acá tamos asistiendo a una riestra d’iniciatives nes Cortes rellacionaes cola implantación de la LOMCE. Per otru llau, n’Asturies cientos de docentes aconceyaos n’asamblees tán faciendo público que tán malagusto pola forma na que se ta poniendo en marcha esta Llei na nuestra comunidá. Por ello SUATEA quier dirixise otra vez al Conseyeru d’Educación pa qu’atienda los pidimientos más que razonables del profesoráu. El sofitu vien agora del propiu Grupu Parlamentariu Socialista que’l día 14 tien rexistrao nel Congresu de los diputaos delles Proposiciones de Llei referentes a la suspensión del calendariu d’implantación de la LOMCE. Depués de refugar “un calendariu d’implantación que se demostró inasumible pa les CCAA y pa los propios centros, poniendo n’evidencia, otra vuelta, ... Read More »

La Comunidá del CP Aniceto Sela contra los retayos

Dende’l Claustru de Profesores del C.P.Aniceto Sela de Mieres, faen públicu esti comunicáu en nome de tola Comunidá Educativa del centru:                   Desde hace varios cursos, y bajo directrices nada inocentes de optimización de recursos o racionalización, se vienen aplicando en este centro recortes de unidades y plantilla de profesorado. Lenguaje demasiado comercial para los fines que se persiguen. Con ello, la Administración reduce la capacidad de seguir admitiendo alumnado y mengua las capacidades del colegio. Hace años que sectores interesados de la sociedad levantaron la bandera de la “libertad de elección de centro educativo” para así confundir la gestión privada del dinero público con lo que es un derecho universal inapelable, ... Read More »

Manifiestu de l’asamblea del profesoráu itinerante

Aconceyaos n’asamblea nel institutu Doctor Fleming d’Uviéu, el vienres 15 de xineru de 2016, el profesoráu itinerante de los centros públicos asturianos quier facer públicu’l siguiente MANIFIESTU: Nel presente cursu, la Conseyería d’Educación Cultura y Deportes ensin consultar a les organizaciones sindicales, nin al profesoráu, ta aplicando cambeos nes condiciones de trabayu del profesoráu itinerante. Los impresos de solicitú d’indemnización per kilometraxe tienen de cubrise cada dos meses en cuenta de mensualmente como veníamos faciéndolo hasta agora, lo que trai de resultes que se cobren con un retrasu equivalente (un mes más tarde que’l pasáu cursu). El personal itinerante realizamos los cálculos de kilómetros percorríos aplicando l’artículu 5.1 del Alcuerdu Sobre Condiciones de Trabayu del Profesoráu Itinerante al Serviciu del ... Read More »

SUATEA esixe un presupuestu que mire poles necesidaes educatives

SUATEA ESIXE QUE’L GOBIERNU FAIGA UN PRESUPUESTU QUE MIRE POLES DEMANDES Y NECESIDAES DEL SISTEMA EDUCATIVU El gobiernu asturianu retiró enantes de debatilu na Xunta Xeneral el proyectu de presupuestos correspondientes al añu que vien, 2016. Esto quier dicir que’l gobiernu renuncia a la posibilidá de qu’Asturies disponga d’esti instrumentu p’acabar colos retayos y cola llamentable situación que güei pasa l’enseñu públicu y el profesoráu. Según estudios que tien presentaos SUATEA, Asturies ye de les Comunidaes Autónomes que más profesoráu perdió nos últimos años y que más recortes fixeron nes partíes presupuestaries destinaes a la educación pública. Tamién somos la comunidá autónoma onde l’incrementu d’horariu llectivu y non llectivu del profesoráu ye mayor. La precariedá ta llantada dientro del nuestru ... Read More »

Reclamación itinerancies

Ante la insistencia per parte de la Conseyería de modificar los criterios pa pagar les indemnizaciones por itinerancias , ponemos a la disposición del personal itinerante afectáu, el siguiente recursu d’alzada col que s’entainaríen los procesos alministrativos de reclamación. Read More »

Recortes nun quinqueniu prietu que nun se pue repetir

TIEMPU DE PAGAR CUENTES. TIEMPU DE COMPROMISOS Los tisoriazos daos a la Educación entamen nel 2010 y xeneralícense cola aplicación de las midíes impuestes nel Real Decretu-llei 14/2012, de 20 d’abril, de midíes urxentes de racionalización del gastu públicu nel ámbitu educativu aprobáu pol PP. Nel ámbitu asturianu, el PSOE aplicó toles midíes promovíes pol PP como alumno aplicáu, amás d’otres ocurrencies de collecha propia como, por exemplu, recortar les dietes a tol profesoráu qu’itinera ente dellos centros, nun dotar de profesoráu pa docenes de puestos por falta de planificación o aumentar l’horariu de permanencia nel centru perriba de lo afitao nel decretu anterior, siendo Asturies la comunidá onde se da l’horariu más llargu de tol estáu. Los gráficos qu’apaecen ... Read More »

El llibru blancu desacredita al profesoráu

EL LLIBRU BLANCU DEL MECD: DESACREDITAR AL PROFESORÁU PA XUSTIFICAR NUEVOS AXUSTES NA EDUCACIÓN Na presentación del llibru blancu per parte del Ministeriu d’Educación en plena campaña electoral, avánzase un grau más nel intentu de descreitu del profesoráu del nuestru país. El PP cunta col inestimable sofitu d’otres fuerces polítiques p’aumentar el coru de los qu’achaquen al profesoráu la responsabilidá de los males de la nuesa educación. Asina lo tamos viendo na presentación de los programes electorales y nel usu partidista del menoscabu del profesoráu nos debates ente candidatos. Pero’l llibru blancu del profesor Marina, tanto na so versión amplia como na amenorgada, nun respuende a les mires creaes pol PP nel sentíu de sentar les bases pa un debate ... Read More »

Les declaraciones de Méndez de Vigo, un ataque contra la escuela pública y el so profesoráu.

El ministru d’Educación, Méndez de Vigo, acaba de revelar cuálos son les sos intenciones respecto al profesoráu de la enseñanza pública del nuestru país. Llamentablemente, la llínia que sigue ye la del so predecesor. A pesar d’intentar dar imaxe de dialogante, qu’ameyorara la nefasta xestión del ministru anterior artífiz de la LOMCE, lo qu’amuesa claramente ye’l so siguidismu al afondar na privatización de la educación y poner al profesoráu nuna situación d’absoluta indefensión. Read More »

SUATEA, pola recuperación de la calidá nel sistema educativu asturianu

SUATEA pide la recuperación de la calidá nel sistema educativu Nestos momentos, dende l’Alministración, tán plantegando midíes pa la recuperación de los derechos que los emplegaos públicos perdieron pola mor de los retayos. De toles maneres, nel sector docente, afectáu como’l que más, nun mos vamos beneficiar de nenguna d’estes midíes, porque dizque nun van ser d’aplicación nel sector educativu. Queremos recorda-y a l’Alministración que’l profesoráu asturianu sufrió unos retayos que traxeron un empeoramientu de les condiciones llaborales: baxada y depués conxelación del salariu, penalización económica en casu de baxa médica, aumentu d’horarios, aules masificaes, menos personal, eliminación de midíes d’atención a la diversidá, non sustitución hasta pasaos 15 díes del profesoráu de baxa médica sobrecargando al restu, etc. Anque ... Read More »

Ayudes por accidente

Convocatoria d’Ayudes pa Compensación por Accidentes de Tráficu (BOPA) Plazu 10 días Modelo de solicitú     Read More »

Concentración de la Xunta de Personal

Los sindicatos de la Xunta de Personal Docente convocamos esta concentración énte la necesidá de responder a les actuaciones de la Conseyería d’Educación que sigue agravando les condiciones llaborales del profesoráu asturianu. Resulta intolerable qu’una alministración en funciones tea de contino regulando midíes alministratives, per aciu de la publicación nel BOPA, y publicando circulares sobre cuestiones con implicaciones llaborales decisives ensin nengún tipu de negociación colos representantes del profesoráu. Los sindicatos docentes vemos alarmante lo que ta pasando: que los asuntos qu’urxen y que son indispensables pal funcionamientu de los nuestros centros educativos tean paralizaos. Siguimos a la espera del calandario d’actuaciones de fin de cursu, onde se ponen les feches de peticiones de los distintos colectivos de funcionarios, siguen ... Read More »

L’alministración nun atiende les demandes sindicales. Solo queda la movilización

  Depués de tar ayer, llunes 15 de xunu, más de trés hores reuníos na Conseyería, ésta nun recueye les demandes presentaes pola Xunta de Personal en defensa de los intereses del profesoráu asturianu. Dende SUATEA defendimos la prórroga nel contratu d’aquellos docentes interinos que nun saquen vacante pa poder examinar al alumnáu al que-y punxeron clase; argumentemos los problemes que xenera l’aplicación de la Resolución sobre Salú Llaboral (el llamáu “Medicamentazu”), solicitemos que la Resolución sobre’l préstamu de llibros nun s’aplicara esti cursu, que fuera voluntaria un año más y denunciemos les consecuencias de la implantación de los Programes de Meyora del Aprendimientu y el Rendimientu, onde la única solución ye la moratoria na aplicación de la LOMCE. Énte ... Read More »

Campaña de SUATEA pola meyora de les condiciones llaborales del profesoráu

Na rueda de prensa entamada por SUATEA féxose pública la campaña “Pola escuela pública” col envís de denunciar la yá insostenible situación del profesoráu asturianu nos centros. Esta campaña, que yá se ta espardiendo pelos institutos y escueles, céntrase na meyora de les condiciones llaborares del personal, incluyendo ente otres reivindicaciones, la recuperación del poder alquisitivu, la reducción de la xornada y el refugu a la contratación de becarios con funciones docentes que meteríen la precariedá, nel términu más absolutu, ente los enseñantes. La Conseyería d’Educación, pesie a les sos declaraciones grandones contra la Llei Wert lo que fai ye siguir metiendo recortes y, en cuantes a los currículos, aplicala de pe a pa. Por ello, consideramos qu’esti ye’l momentu ... Read More »