Calendariu p’axudicar al colectivu interín

Prevision_de calendariu d’axudicación pal profesoráu interín

Dende SUATEA queremos manifestar el nuestru desalcuerdu col calendariu d’axudicación del profesoráu interín:

•  L’alministración NUN quixo garrar la propuesta de SUATEA de “meyora de plaza”. Con ella garantizaríase’l respetu al orde de prelación de les llistes en casu de nun salir toles places na primer convocatoria, situación ésta que se vien produciendo de secute nos últimos años.
• Nel calendariu publicáu sigue ensin apaecer una axudicación provisional qu’afite un plazu de reclamaciones pa iguar los posibles erros, como por casu los que se dieron l’otru cursu col sistema informáticu de pidimientos.
• L’alministración obliga a pidir primero a los maestros xenerándose agravios a quien tán en llistes de varios cuerpos -menos Servicios a la Comunidá- yá que puen ser axudicaos n’agostu ensin optar a otres places de distintu cuerpu y especialidá.