Calendariu coeducativu 2021 Tiempu de muyeres

La Organización de Muyeres de la Confederación Intersindical y la Secretaría de la Muyer de SUATEA presenten el  calendariu coeducativu «Tiempu de Muyeres, Muyeres nel Tiempu 2021: Muyeres escritores».

Nesta edición, les ilustraciones de les escritores que protagonicen cada mes son obra de la ilustradora moza, Patricia Fidalgo y la coordinación artística y el diseñu final del calendariu y los diferentes dossieres son, como siempres, frutu del trabayu del nuesu estimáu collaciu Mario Padilla, responsable del Aria de Publicaciones de la Confederación.

El Calendariu «Tiempu de Muyeres» ye, sobre too, un material coeducativu empobináu a los centros d’enseñanza y, polo tanto, distribúise per aciu los sindicatos pertenecientes a la Confederación Intersindical de forma gratuita, con llicencia Creative Commons que permite la so difusión y reproducción respetando los términos de tala llicencia.

SUATEA siempres vieno espardiendo exemplares impresos ente los centros educativos públicos al traviés de visites dempués del entamu del nuevu añu. Sin embargu, teniendo en cuenta la situación sanitaria, la responsabilidá obliga a lilendar la presencialidá nos centros de persones ayenes, y tamién a tener presente la posibilidá de cierres perimetrales; polo tanto, la distribución del calendariu 2021 en so versión impresa va ser más reducida que n’años anteriores. Asina y too, toles persones interesaes tienen sa la so disposición la versión dixital descargable y también la propuesta completa d’actividaes coeducatives colos sos respectivos recursos y el dossier de muyeres escritores tanto na nuesa web www.suatea.org, como na páxina de la Organización de Muyeres organizaciondemujeres.org

Muyeres escritores (Ast)

Muyeres escritores (Cast)

Actividaes propuestes (ast)

Actividaes completes (Cast)

Actividaes completes (Ast.)

Dosier