SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
Güei fáense ecu los medios de comunicación del anunciu, per parte del Conseyeru d’Educación, d’un nuevu retayu nes unidaes d’Educación Infantil. En total van sumir 40 aules que, imaxinamos, van afectar a la educación pública casi na so totalidá.
Nos últimos tiempos los responsables de la Conseyería xustifiquen la falta d’iniciatives, l’ausencia de negociación de meyora de les condiciones de trabayu, la non reforma de los centros educativos, etc. cola ausencia de presupuestu. El Decretu “Nun hai dineru”/2018 ye la norma pola que tamos rixendo nos últimos años, entá a pesar de declaraciones nes que se fala del fin de la crisis y el fin de los presupuestos que constriñen a la educación. Nun hai dineru pa reducir les ratios, nun hai dineru para dar los apoyos necesarios n’Infantil, nun hai dineru para modificar la xornada llectiva de forma que quede tiempu p’apoyar a otros docentes na aula, nun hai dineru para amenorgar los cientos de medies xornaes… Solo podemos llegar a una conclusión: la educación pública nun ye nenguna prioridá pal Gobiernu asturianu.
El recorte d’unidaes na primer etapa educativa empieza a ser una norma anunciada cada final de cursu, costantemente y ensin interrupción acumulamos el zarru de más de cien aules nos últimos años. Dalgo con una gran transcendencia nos centros educativos porque garantiza el zarru paulatín de clases según s’avanza de nivel, y con gran trescendencia ente’l personal, pues supón la perda de puestos de trabayu pal profesoráu interín. Son los futuros despidíos que nun paecen tener nengún derechu nin considerancia pal nuesu Conseyeru, que nun se molesta en buscar soluciones que reduzan estes consecuencies a diferencia de la esmolición que manifiesta colos de los centros privaos. Nun hai posibilidá d’estabilidá independientemente del tiempu que se lleve trabayando.
“Nun hai defensa de la escuela pública nin defensa del personal que trabaya nella”, esi sedría’l titular pa les declaraciones de güei del Conseyeru d’Educación.
Secretariáu de SUATEA
Uviéu, 28 de xunu de 2018
Esta entrada está disponible en: Castellano (Castellanu)
