Home > Comunicaos > Axudicaciones profesoráu interino: onde dixe digo, digo Diego

Axudicaciones profesoráu interino: onde dixe digo, digo Diego

AXUDICACIÓN PROFESORÁU INTERINO: ONDE DIXI DIGO, DIGO DIEGO

La Direutora Xeneral de Planificación ya Infraestructures educatives, corroborada pol Direutor Xeneral de Personal Docente, dixo güei, nel Conseyu Escolar del Principáu, que NUN va haber convocatoria d’aspirantes a Interinidá n’agostu.

Énte la entruga de cómo foi posible, entós, que la Conseyera lo anunciare en sede parlamentaria, respondieron qu’ella escarecía de datos bastantes pa valorar la imposibilidá d’esa convocatoria, erru del que foi informada con posterioridá.

Dende SUATEA, dempués de conocer lo que la Conseyera comunicó nel Parlamentu, valorando la importancia que tenía la noticia pal profesoráu interino, que taba llamao xusto nesos díes a solicitar places en primer convocatoria, movímonos ensiguida pa corroboralo y d’esta forma poder informar y ameyorar les condiciones d’eleición del profesoráu interino. Ello ye que tal como anunciemos nel so momentu, unviemos a l’Alministración una filera propuestes que tamos seguros que supondríen una meyora pa los pidimientos del colectivu interín y que garantizaríen que’l 1 de septiembre tolos centros públicos cuntaren con tola plantiya necesaria.

Llamentamos fondamente’l desconciertu col que se trabaya na Conseyería d’Educación y que llevamos careciendo va meses, con informaciones poco clares referíes a les garantíes de seguridá sanitaria y, agora, con estos vaivenes y contradicciones a la hora de planiar la dotación de plantiyes, lo qu’augura más enguedeyos pal entamu de cursu.

La educación asturiana nun puede ser víctima de les lluches fratricides del PSOE y les que se producen dientro de la Conseyería d’Educación. Por esta razón, dende SUATEA, esiximos que se cumpla lo plantegao pola Conseyera nel parlamentu y que se convoque al profesoráu interín n’agostu, dando la posibilidá de que toles persones convocaes tengan opción d’escoyer ente toles vacantes ufiertaes pal próximu cursu. 

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344