SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
Les dos organizaciones presenten un informe conxuntu onde rescampla l’incumplimientu de la Carta per parte de l’Alministración asturiana.
La Carta Europea de les Llingües Minorizaes ye alcuerdu de 1992 ente los estaos de la UE pa defender, protexer y fomentar les llingües que s’atopen nesa situación. Ratificada pol Reinu d’España en 2002, obliga a les alministraciones españoles a siguir una serie de llínies pa facer real esi labor de protección de la diversidá llingüística. Col envís de fiscalizar el so cumplimientu, hai un Comité d’Espertos que cada cuatro años fai un informe pormenorizáu en base a la información apurrida poles alministraciones y les organizaciones sociales venceyaes a la defensa d’eses llingües nos respectivos países.
L’últimu d’esos informes estudia’l periodu 2010-2013 y, a diferencia de los tres anteriores, no que toca a Asturies esta vez nun cuntó cola opinión de les organizaciones comprometíes na defensa de idioma, sinón que consistió namás en repetir los datos apurríos pola alministración asturiana que, cómo non, facía ver un mundu maravillosu onde l’asturianu tien una perbona salú gracies al intensu llabor del gobiernu del Principáu.
Pa desmentir les fabulaciones del gobiernu asturianu, la Fundación Caveda y Nava y SUATEA fexeron a comuña un informe a la secretaría pa la Carta Europea onde rescampla l’incumplimientu de la mesma. La parte referente a Educación féxola’l nuestru sindicatu y nella desplicamos la precariedá de la llingua asturiana nel sistema educativu, la llaceriosa situación del personal docente de la mesma, l’ausencia de la especialidá, les estorbises que pon l’Alministración pa les distintes etapes educatives, la inesistencia del asturianu como llingua vehicular, etc.
Ayer martes 16 d’avientu entrambes organizaciones presentaron el so informe nuna rueda de prensa onde despliquemos el so conteníu.
Descargar PDF Informe pa la Carta Europea de les Llingües Rexonales o Minoritaries del Conseyu d’Europa, 2014 [asturianu] [castellano] [inglés]
Consultar n’ISSUU Informe pa la Carta Europea de les Llingües Rexonales o Minoritaries del Conseyu d’Europa, 2014 [asturianu] [castellano] [inglés]
Esta entrada está disponible en: Castellano (Castellanu)
