Asamblea-Concentración de Profesoráu Interino énte les puertes del MECD

Esta entrada está disponible en: Castellano (Castellanu)

El pasáu sábadu, 27 de mayu, celebróse una ASAMBLEA-CONCENTRACIÓN convocada por STEs-Intersindical y la PECEPI énte les puertes del Ministeriu d’Educación y Cultura en Madrid.

Los motivos pa convocar esta concentración fueron:

–           La inclusión nel proyectu de Presupuestos Xenerales del Estáu del artículu 19, y más en concretu, l’artículu 19.2, que puede suponer el despidu masivu de trabayadores interinos de toles Alministraciones y empreses públiques que tengan contratos o nomamientos de más de trés años, lo que podría afectar nesti momentu a mamplén de miles de persones. N’Educación, afectaría a unes 100.000 persones.

–           Lo incluyío nel proyectu de los PXE ye una consecuencia directa del “Alcuerdu pa la meyora del empléu públicu” robláu’l pasáu 29 de marzu ente CCOO, FeSP-UGT, CSI-F y el ministru Montoro sobro les ufiertes públiques d’empléu estraordinaries pa los próximos años, colo que pretenden amenorgar la tasa d’interinidá actual, que n’Educación supera’l 20% (en delles comunidaes más del 40%), hasta’l 8%. Consideramos qu’aceptar estes ufiertes masives d’empléu públicu ensin establecer mecanismos específicos y escepcionales d’afitamientu d’empléu del personal interino puede traer el despidu pa los emplegaos y emplegaes qu’ocupen les places.

Concentrémonos énte’l MECD persones que fuimos dende Asturies, Andalucía, Aragón, Castiella-La Mancha, Castiella y Llión, Cataluña, Madrid, Murcia y Valencia. Y vamos siguir convocando movilizaciones en tolos territorios mientres nun se retire l’artículu 19.2 de los PXE. Nesti sentíu, tamos en contactu con distintos partíos políticos tratando de qu’estes midíes nun supongan un ERE masivu en tola función pública.

Print Friendly, PDF & Email

Esta entrada está disponible en: Castellano (Castellanu)